HABAKKUK 2:1 - Pathien Lekhabu Inthieng (BSI)

¹ Ka vêngbûk chunga chun ngîr ka ta, ka kulbîng chunga chun um ka ta, kâwk ka ni phaha ka dawnna ding le ka kuoma ieng am a hril ding ti hmu dingin nghâk zing ka tih.

HABAKKUK 2:1 ပူးပေါင်းရင်းမြစ်များ

2 SAMUEL 18:24

Chuongchun, David chu daikawtkhâr pahni inkâra chun a lo ṭhung a; chun râl vêngtu chu kul kawtkhâr tuolpuo lem chung tieng chun a hang lâwn a, a hang ngha vêl a, mi pakhat a khât baka hung tlân a hmu a.

2 LALHAI 17:9

Chun, Israel thlahai chun Lalpa an Pathien chunga chun thil ṭha nawtak inrûkin an thaw hlak a, an khuo po poah râl vêngtuhai in insânga inthawka kul nei khuo chenin bâwlhmunhai an siem a.

2 LALHAI 9:17

Chun, Jezreel kula chun râlvêng a ngîr a, ama chun Jehu rawi hung chu a hang hmu a, “Mi tamtak el ka hmu ie,” a ta. Chun, Joram chun, “Sakawr chung chuong mi anni chu tuok dingin va tir la, ‘Ṭha tieng thu am a nih?’ va ti raw hai seh,” a ta.

JOB LEKHABU (THE BOOK OF JOB) 31:35

Aw ka thu mi ngaipêk ding hi chu um hai sien! (En ta u, hitaka hin ka hming ziek a um a, Iengkimthawthei chun mi dawn raw se;) Ka hmêlmain a ziek, hêkna lekhabu chu nei lang chu aw!

JOB LEKHABU (THE BOOK OF JOB) 31:37

Ka kalchawi ni zât chu ama kuomah hrilfieng ka ta; Lal nau angin ama hnaiah fêng ka tih.

INPÂKNA HLABU 5:3

Aw Lalpa, zîngkâr chun ka râwl hi lo hre hlak i ta, Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.

INPÂKNA HLABU 85:8

Pathien Lalpa thu hril ding chu ngai ka ta, A mihai le a mi inthienghai kuomah lungmuongna thu a hril ding a ni si a; Nisienlakhawm, anni chu invêtna tieng ngha nâwk ta naw raw hai se.

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

ISAI 21:5

Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.

ISAI 21:6

Lalpa chun ka kuomah hieng ang hin a hril a nih, “Fe la, râlvêngtu invêngtir rawh; ama chun a thil hmu chu hril raw se.

ISAI 21:8

Chun, ama chu sakeibaknei angin ân rûm a, “Aw Lalpa, sûna chun râlvêng bûk chunga hin ka ngîr rawp a, zânkhawvârin ka vêngnaa hin i mîn umtir rawp a;

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 6:17

nisienlakhawm, “Chu chu hraw naw ning ungah,” an ti a. Chun, in chunga chun vêngtu ka sie a, “Tawtawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an ti a.

EZEKIEL 3:17

“Mihriem naupa, Israel sûngkuo vêngtu dingin ka siem che a nih: chuleiin, ka baua thu chu ngai la, keimaa inthawkin vaulâwkna chu pe rawh.

EZEKIEL 33:7

Chuongchun, nang mihriem naupa, Israel sûngkuo ta ding chun vêngtuah ka sie ta che a nih; chuleiin, ka baua thu chu hre la, anni chu keimaa inthawka vaulâwkna chu pe rawh.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

2 KORINTH 13:3

Krista chun keimaa thu a hril hlak ti hi infie in nuom leiin. Ama chu nangni tieng a hrâtnaw a ni naw a, thil thawtheitak a ni lem a nih.

GALATI 1:16

Jentailhai laia Chanchin Ṭha ka hril theina dingin, a Naupa chu keimaa ân lârtir lai khan, tisa le thisen kân rawnpui naw a.