HABAKKUK 1:4 - Pathien Lekhabu Inthieng (BSI)

⁴ Chuleiin, dân chu a dul a, rorêlna chu a zîksuok thei naw a, Mi rilohai chun mi fel chu an inhuol vêl si a; Chuleichun, rorêlna chu a fe suol hlak a nih.

HABAKKUK 1:4 ပူးပေါင်းရင်းမြစ်များ

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

JOB LEKHABU (THE BOOK OF JOB) 21:7

Iengtiziea mi rilo chu hringin, an hung tarin, thilthawtheinaa an hung nasa hlak am a na?

INPÂKNA HLABU 11:3

Lungphûmhai chu suksieta a um chun, Mi felin ieng am sukse thei a ta?

INPÂKNA HLABU 119:126

Lalpa, sinthaw a hun tah, I dân hi ieng ni lovin an siem ta si a.

INPÂKNA HLABU 22:12

Sebâwngchal tamtakin an mîn huolvêl a, Basan rama sebâwngchal hrâttakhai chun an mîn huolvêl khup a.

INPÂKNA HLABU 22:16

Uihai chun an mîn huolvêl si a, Thil ṭha naw thawtu um khâwmhai chun an mîn huol tlat a, Ka kut le ka kehai hi an sukpawp a.

INPÂKNA HLABU 59:2

Thil suksuoltuhai laia inthawkin mi sanhim la, Thisen insuo hmanghaia inthawkin mi sandam rawh.

INPÂKNA HLABU 59:4

Ka suol naw sa khawmin an tlân a, an inbuotsai a, Mi ṭhangpui dingin insukhar la, en rawh.

INPÂKNA HLABU 94:3

Lalpa, mi rilohai chu ieng chen am, Mi rilohai chun hnein ieng chen am an hlim ding a na?

FESUOKNA 23:2

Thil suol thaw dingin mipui chu i zui ding a ni naw a; indikna keikâwi dinga mi tamna tieng tienga ṭhangin thubuoiah hrietpuitu i ni ding a ni bawk nawh;

FESUOKNA 23:6

“I mi, rethei tak takhai thubuoi chu, indiknaw takin i rêlpêk ding a ni nawh.

ISAI 5:20

Thil ṭha naw chu thil ṭha ti a, thil ṭha chu thil ṭha naw ti hlaka, var chu inthima ngaia, inthim chu vara ngai hlaka, thil thlum chu thil khaa ngaia, thil kha chu thil thluma ngai hlaktuhai chu an chung a rik ie!

ISAI 59:12

Kan bawsietnahai hi i hmaah a pung ta si a; kan suolnahai hin a mi hêk hlak a nih: kan bawsietnahai hi kan kuomah a um zing si a, kan khawhlonahai chu kan hriet a nih:

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw ta a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

JEREMIA 26:8

Chun, Lalpain hril dinga thu a pêk po po mipuihai po po kuoma Jeremia chun a hril zo chun, thiempuhai le, zâwlneihai le mipui po po chun ama chu an man a, “I thi ngei ngei ding a nih.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun Lalpa thupêk an hriet nawh.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

HOSEA 10:4

Thuthlung an siemna tienga chun khêla inkhâmin. Thu teplo an hril a; Chuleiin, leilet changkuong thlûra hlo tûr nei ang elin Inkhingna a hung inder suok a nih.

AMOS 5:12

In bawsietnahai tamzie le, in suolnahai a nasatzie ka hriet si a; mi felhai suknawmna a, thamna la a, kawtkhâra tlasamhai an chantâwk nghatsantuhai.

AMOS 5:7

rorêlna sairam thinga inchangtir a, felna chu hnuoia pei thlahai;

MARKA 7:9

Chun, ama bawkin an kuomah, “Nangni thurosiehai in pawm theina dingin Pathien thupêkhai chu in dit naw hi, rem chu in hriet ngawt hi aw!

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

THILTHAWHAI 7:59

Chuongchun, Stephanin, “Lal Isu, ka thlarau la rawh,” tia Lalpa a ko laiin lungin an dêng mur mur a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:31

Anleh, ringna lei ngawtin Dân chu iengkhawm ni lovin ei siem el am a nih? Teu lo e! Dân chu ei sukdet lem hman a nih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.