HABAKKUK 1:3 - Pathien Lekhabu Inthieng (BSI)

³ Iengdinga suolnahai hi i mîn hmutirin, Iengdinga lungngaina hi i mîn entir am a na? Suksietna le inpâwngnêkna chu ka hmaa hin a um a, Insuolna a um a, indona a hung suok hlak a nih.

HABAKKUK 1:3 ပူးပေါင်းရင်းမြစ်များ

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai naw a, kei khawm tukhawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

JEREMIA 20:18

Ieng dinga sininrimna le lungngaina hi hmu dinga, ka nihai chu inzaknaa sukbohmanga um dinga hi sula hung suok am ka ni aw?

JEREMIA 20:8

Thu ka hril zâtin, ka khêk hlak si a; “Thawluina le suksietna” tiin; Lalpa thu chu ka ta dingin sûnnithlâk thlâka hrilsietna le kâwkna an ni si a..

EZEKIEL 2:6

Chun, nang mihriem naupa, anni chu ṭi naw la, hlo hlingnei le buorhai i kâwla chun umin, ainuvêt laia chun chêng la khawm, an thuhai chu ṭi chuong bawk naw la; sûngkaw hel hmang ni hai sien khawm an thuhaia chun ṭi naw la, an hmêl enin beidawng bawk naw rawh.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

2 PETER 2:8

(chu mi fel chu anni laia a umin a mitin a hmu a, a nain a hriet a, dân naw anga an thilthawhai chun a lungril fel chu ni tin an sukna bêk bêk hlak si a.)