HABAKKUK 1:12 - Pathien Lekhabu Inthieng (BSI)

¹² Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

HABAKKUK 1:12 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun Lalpa Chatuon Pathien hming chu a lam a.

2 LALHAI 19:25

Keimain inhmaa inthawka chuong chu ka thaw a nizie dâm, inhma laia chuong chu ka siem a nizie dâm chu i hriet naw am a nih? Khaw kul neihai chu in chim khâwm el anga suksetu dingin ka ruot ta che a ni hi.

INPÂKNA HLABU 102:24

“Aw ka Pathien, ka vânglai nihaia hin mi la hmang naw la, Nanga kumhai chu suon um sûng po po um a tih,” ka ti a.

INPÂKNA HLABU 118:17

Thi naw ning a, dam ka ta, Lalpa thilthawhai chu inhriettir lem ka tih.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 17:13

Aw Lalpa, tho la, ama chu hmasawn la, inkûntir tlat rawh, Ka hringna hi mi rilohaia inthawk chun i kâwlhnâmin sanhim la,

INPÂKNA HLABU 18:1

Aw Lalpa ka hrâtna, ka hmangai che.

INPÂKNA HLABU 74:12

Nisienlakhawm, Pathien chu inhma chena ka Lal a nih, Hnuoi laitaka sandamna siemhlaktu chu.

INPÂKNA HLABU 90:1

Lalpa nang chu suon po po chena kan umna i ni hlak,

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 93:2

I lalṭhungpha chu tiena inthawka lo sukdet tah a na, Nang chu chatuona um tah i nih.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 37:26

Keimain inhmaa inthawka chuong chu ka thaw a na, tienlaia chuong chu ka siem an nih ti i hriet nâwm a nih? Khuo kulpui neihai kha in chim khâwm el anga suksetu i ni theina dingin tuhin kân tlungtir a ni ta hi.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 43:15

Kei hi Lalpa, in Mi Inthieng, Israelhai Siemtu, in Lal chu ka nih,” tiin.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JEREMIA 4:27

Lalpa chun hieng hin a ti si a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, Lalpa chun a tih.

ṬAP HLA 5:19

Aw Lalpa, nang chu kumkhuoin i um zing a; I lalṭhungpha khawm chu suon khata inthawka suon dang chenin a nih.

EZEKIEL 30:25

Chun, Babulon lal bânhai chu chelngîrpêk ka ta, Pharao bânhai ruok chu tlahnuoi a tih; Babulon lal kutah ka kâwlhnâm ka sie a, Aigupta ram chungah ama chun ân let pha chun Lalpa chu ka nih ti mi hre tâng an tih.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

HABAKKUK 3:2

Aw Lalpa, i ṭawng ka hriet a,ka ṭi ta a; Aw Lalpa, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar ta a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MALAKI 3:6

“Kei Lalpa hi ka danglam ngai si naw a; chuleiin, nangni, aw Jakob naupasalhai, in bohmang naw a nih.

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak che a, ‘Sukbohmang rawh,’ a ti a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;