GALATI 6:17 - Pathien Lekhabu Inthieng (BSI)

¹⁷ Tuta chen chu tûkhawmin mi sukbuoi ta naw raw hai se, ka taksaa hin Isu inchiknahai ka put si a.

GALATI 6:17 ပူးပေါင်းရင်းမြစ်များ

ISAI 44:5

Mi pakhatin Lalpa ta ka nih tîng a ta, mi dangin Jakob hming inbûk a ta; mi dangin a kutah, Lalpa ta tiha ziekin, Israel hming chu a chi hmingah hmang a tih,” tiin.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

2 KORINTH 1:5

Krista tuornahai chu kan chungah a sipliem angtakin kan thlamuongna hi Krista zârah a sipliem a nih.

2 KORINTH 4:10

Kan taksaa hin kumkhuoin Isu thina chu kan put pei hlak a, Isu hringna khawm kan taksaa hin ân lang theina dingin.

GALATI 1:7

Chu chu Chanchin Ṭha a ni ve si naw a; nangni sukbuoiin, Krista Chanchin Ṭha suk danglam nuom tuhai amanih an um el a nih.

PHILIPPI 3:10

Krista le a thonâwkna thilthawtheina chu ka hriet chieng theina ding le a tuornahai inṭawmpuia, a thinaa ama ang ka hung ni theina dingin;

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

JOSUA 7:25

Chun, Josua chun, “Iengdinga i mi suklungzîng am a na? Lalpa chun nang khawm vawisûn hin a suklungzîng ve ding che a ni hi,” a ta. Chuongchun, Israelhai po po chun ama chu lungin an dêng a; chun, ama chu meiin an raw a, lungin an dêng bawk a.

THUPUONGSUO 13:16

Chun, mi po po a lien a chînin, a hausa a pasiein, suok le suok nawhai khawm, an kut chang tienga manih, an chala manih inchikna ân neitir tâwl a;

THUPUONGSUO 13:17

inchikna, Sahrâng hming amanih, a hming nambar amanih, neihai chau naw chun, tûkhawmin iengkhawm an inchâwkin an zawr thei nawna dingin.