GALATI 6:14 - Pathien Lekhabu Inthieng (BSI)

¹⁴ Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

GALATI 6:14 ပူးပေါင်းရင်းမြစ်များ

INPÂKNA HLABU 49:6

Mâni sum ring a, Mâni hausakna nasatak suongtuhai chun,

INPÂKNA HLABU 52:1

Aw mi hrât, iengdinga thil suksuol i suong am a na? Pathien zaidamna chu a um zing hlak a nih.

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

LUKA 20:16

Lo enkawltuhai chu hung sukbohmang a ta, huon chu mi danghai pêng a tih,” a ta. Chun, chu chu an hrietin, “Chuong êm chu tlung naw raw se!” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si naw a, tûkhawm a awihai po ta dinga sandamna dinga Pathien thilthawtheina a ni si a; a phutin Juda mi ta dingin, chun, Grik mihai ta ding khawmin a hung nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:2

Teu lo e a! Eini suol tienga thi ta hnunghai iengtin am suolin la hring zing thei ei ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

1 KORINTH 2:2

Isu Krista ama ngei hemdea a um thu chau naw chu nangni lai ieng dang khawm hriet ka tum nawh kha.

1 KORINTH 3:21

Chuleiin, tûkhawmin mihriemhai suong naw raw se.

2 KORINTH 11:12

Nisienlakhawm, remchângna hmu nuomtuhaia inthawka remchângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 2:17

Kristaa thiem changa um kan tumnaa hin, keini ngei khawm mi suola ngai kan lo ni lem hlau chun, anleh, Krista chu suol sin thawtu ni el a ti?

GALATI 2:19

Pathien tieng kawnga ka hung hring theina dingin kei chu Dân leiin Dân tieng kawngah ka thi ta si a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 3:21

Annawleh, Dân chun Pathien thutiemhai chu a kal am a nih? Teu lo e a! Dân mi sukhringthei hrim hrim pêkin a um ta si chun, felna chu Dân leiin a um ngei ding a nih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

PHILIPPI 3:18

Mi tamtak an fe a, chuhai chu Krista kraws hmêlma an ni ti an chanchin ka hril rawp cheu kha, tu khawm hin ṭap pumin ka hril cheu hi.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

KOLOSSA 2:20

Khawvêl thlarau thilhai chu Kristaah in thisan ta si chun, iengleia hi khawvêl mi anga la um rawp am in ni a?