GALATI 6:10 - Pathien Lekhabu Inthieng (BSI)

¹⁰ Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

GALATI 6:10 ပူးပေါင်းရင်းမြစ်များ

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

INPÂKNA HLABU 37:3

Lalpa chu ring la, thil ṭha thaw rawh, Hi rama hin um la, ringumna chu hnawt pei rawh.

THUVARHAI 3:27

I kut thilthawtheinaa thaw thei a ni sûng chun, Thilṭha chu a chang âwm hrimhai kuoma chu inro naw rawh.

THUHRILTU 3:12

An dam sûng poa thil ṭha thawa hlima um nêka an ta dinga ṭha lem iengkhawm a um nawh ti ka hriet a.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 5:43

“ ‘I vênghai hmangai la, i hmêlma theida rawh,’ an tih ti in hriet tah.

MARKA 3:4

Chun, an kuoma chun, “Châwlni hin sukṭhat am a thieng, suksiet? sandam am a thieng sukhlum?” tiin ân dawn a. Nisienlakhawm, an to zing a.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr lovin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 9:4

Sûn a ni laiin a mi tirtu sin ei thaw ding a nih, zân a ni ding a ni ta hi, chu pha chun tukhawmin thaw thei naw ni hai.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni ta a.

2 KORINTH 2:8

Chuleichun, ama tienga in hmangaina chu sukdet zuol dingin ka ngên cheu a nih.

GALATI 1:23

“Inhmaa a mi suknawmnatu khan, inhmaa ringna thu a sukkhawhlo hlak kha tuhin a hril ta lem a nih,” ti mi hril chau an hriet a.

EPHESI 2:19

Chuongchun, tuhin mikhuol le mi châm el in ni ta naw a, mi inthienghai le chun tuol khat le Pathien sûnghai in ni ta lem a nih.

EPHESI 3:15

(Pa hnuoi le vâna sûngkuo tinrêng hming chawina chu);

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

EPHESI 5:16

Nihai hi a ṭhat naw leiin remchângnahai inchaw pei ro.

PHILIPPI 4:10

Nisienlakhawm, ka ta dinga in ngaituona chu tûta in hung thâwthar nâwk ta leiin, Lalpaa chun ka lâwm hle a nih; chuong ang kawng chu ngaituo kha chu in ngaituo hle a, remchâng ruok chu in hmu naw mei a ni kha.

KOLOSSA 4:5

Remchângna inchaw peiin puotienga mihai lai chun vartakin um ro.

1 THESSALONIKA 5:15

Tûkhawmin tu suol khawm suola thung lo dingin fîmkhur ro; thil in inthawpêk tuona tieng le, mi po po chunga in thawpêkna tienga khawm a ṭha taphawt chu hnawt lem rawp ro.

1 THESSALONIKA 5:21

iengkim infie lem unla, a ṭha ṭha chu pawm tlat ro.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

HEBRAIHAI 6:10

In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

3 JOHAN 1:10

Chuleiin, ka hung chun chu a thilthawhai inhriet suoktir nâwk ka tih, kan chungthu suol hrilin a bautamzie hi; chu khawm chu hun a ti naw a, ama ngeiin unauhai a lâwm naw a, a lâwm nuomhai khawm a khap a, kohrana inthawkin a hnawt dawk hlak.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

3 JOHAN 1:3

Unauhai hungin, i takzie, (thutaka i um hlakzie) an mi hung inhriettir lai khan, ka lâwm bêk bêk si a.