GALATI 5:20 - Pathien Lekhabu Inthieng (BSI)

²⁰ milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

GALATI 5:20 ပူးပေါင်းရင်းမြစ်များ

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

EZEKIEL 22:18

“Mihriem naupa, Israel sûngkuo hi ka ta dingin êksie an ni tah; pûm meia chun an rêng chun darsen dâm, rângva dâm, thîr dâm, suon dâm an na; tangkaraw êksie chu an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:8

Amiruokchu, kâwmaw suo a, thutak zâwm lova fel nawna zâwm lemtuhai chunga chun Pathien lungsenna le lungawinawna um a tih.

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

2 KORINTH 11:19

nangni chu le, mi var in ni leiin invêthai chu lungawitakin indaw hlak si a.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lungsennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,

TITA 3:10

Ringdân tum nei mi chu vawikhat vawihni kâwk hnung chun inthlawppui ta naw rawh;

JAKOB 3:14

Nisienlakhawm, in lungrilah îtthîkna khatak le mâni hmasielna in nei chun, thudik chu uong khum le kalin khêl hril naw ro.

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet si a.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.