GALATI 5:14 - Pathien Lekhabu Inthieng (BSI)

¹⁴ “Nangma în hmangai angin i vênghai i hmangai ding a nih,” ti thu baukhata hin Dân thu po po chu a famkim tah a ni si a.

GALATI 5:14 ပူးပေါင်းရင်းမြစ်များ

LEVI DÂN 19:18

Phuba i lâk ding a ni naw a, i chipuihai theidâna i pâi ding a ni bawk naw a, nang le nang în hmangai angin i tuolbâwm chu i hmangai ding a ni lem: Kei hi Lalpa chu ka nih.

LEVI DÂN 19:34

Ram dang mi nangni laia khawsahai chu in ta dingin a ram mi ang hrim an ni ding a nih; nangma i înhmangai angin i hmangai ding a nih; nangni khawm Aigupta rama khan ram dang mi in ni kha: Kei hi Lalpa in Pathien chu ka nih.

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

MARKA 12:31

A dawttu chu hi hi a nih, ‘Nang le nang în hmangai angin i vênghai khawm i hmangai ding a nih,’ ti hi. Hieng nêka thupêk ropui lem hrim hrim hi a um nawh,” tiin a dawn a.

MARKA 12:33

ama chu lungril po poa, hrietna po poa, hrâtna po poa hmangai a, mâni inhmangai anga vênghai hmangai chu pumrawhmang ser pêk po po le inthawina po po nêkin a ṭha lem bêk bêk ti hi i hril dik ngawt el,” a ta.

JOHAN 13:34

“Thupêk thar ka pêk cheu hi, inhmangai tuo unla; keiin ka hmangai ang cheu hin, nangni khawm inhmangai tuo ro.

GALATI 1:6

Krista lunginsietna zâra a kotu cheu kha chuong ang thuta chanchin ṭha dang tienga in kai san hi a mak ka ti a nih.

GALATI 6:2

In rikphurhai chu insâwngtuo ro; chuongchun, Krista dân chu in zâwm nîng a tih.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;