GALATI 5:11 - Pathien Lekhabu Inthieng (BSI)

¹¹ Unauhai, keiin sertan thu ka la hril rawp si chun, ieng dinga suknawmnata la um rawp am ka na? Chuong ang a ni si chun kraws insuina chu sukbo ni tâng a tih.

GALATI 5:11 ပူးပေါင်းရင်းမြစ်များ

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

THILTHAWHAI 16:3

Paulain ama chu a kuoma fe ve dingin a dit a; chuongchun, chu tienga Juda umhai lei chun, a ser a tanpêk a, a pa chu Grik a nih ti an hriet vawng si a.

THILTHAWHAI 21:21

Chun, nangin Jentailhai laia Juda umhai po po kuoma chun an nauhai ser tan lo ding le, dân anga um naw ding tiin, Mosie peithlâkna thu în chûktir hlak ti mi bauah an hriet a.

THILTHAWHAI 21:28

an khêk a, “Israel mihai, mi ṭhangpui ro, hi mipa hi ram tinah mi po po kuomah, Juda mi dâm, Dân dâm, hi in dâm hi hrilsetu kha a nih; chu naw khawm chu Pathien biekina hin Grik mihai khawm a lûtpui a, hi in inthieng hi a suktirdakum tah a nih,” an ta.

1 KORINTH 1:18

Kraws thu chu bohmang zinghai ta ding chun invêtna a ni si a, eini sandam zinghai ta ding ruok chun Pathien thilthawtheina a ni lem.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 15:30

Iengleiin am eini khawm hi dârkâr tina inlaua ei um hlak am a na?

GALATI 2:3

Nisienlakhawm, Tita ka kuoma um khawm chu, Grik mi ni sien khawm ser tan lui pêkin a um ta naw a;

GALATI 3:1

Aw, nangni Galati mi invêthai, tûin am a dâwi cheu a, in mithmu ngeiah Isu Krista chu hemdein chiengtaka inlangtir a ni vei leh?

GALATI 4:29

Chun, chuong lai chun, tisa dâna hung pieng khan, Thlarau dâna hung pieng chu a suknawmna a, tu khawm hin chuong ang bawk chu a nih.

GALATI 6:12

Tisaa hmêl insukmawi nuomhai poin sertana um dingin an tir lui hlak cheu a nih; ieng dang lei khawm a ni naw a, Krista kraws leia suknawmnatna an tuor nawna ding chau a nih.

GALATI 6:17

Tuta chen chu tûkhawmin mi sukbuoi ta naw raw hai se, ka taksaa hin Isu inchiknahai ka put si a.