GALATI 4:19 - Pathien Lekhabu Inthieng (BSI)

¹⁹ Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

GALATI 4:19 ပူးပေါင်းရင်းမြစ်များ

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

2 KORINTH 12:14

Ngai ta u, hi hi in kuoma hung dinga kân zo a vawi thumna ding a nih; chun, mîn khâwkpui naw ti niua, in ta chu zawng ka ni si naw a, nangni a nih ka zawng lem cheu chu; nauhaiin nu le pa ta dingin an inkhâwl pêk ding a ni naw a, nu le pahaiin nauhai ta dingin an inkhâwl pêk lem ding a ni si a.

EPHESI 4:13

ringna le Pathien Naupa hrietna kawnga chun thukhat vuoa puitlinga, Krista famkimna lienzie tluka ei rênga ei hung um theina dingin.

EPHESI 4:24

mihriem thar, felna le inthiengna indiktaka Pathien angpuia siem chun inthuom ro.

PHILIPPI 1:8

Krista Isu lainatna chun in rêngin ka ngaizie cheu chu, Pathien a mi hrepuitu a nih in sawnnaw.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 2:5

Hi lungril, Krista Isu khawma um kha, nangniah um raw se.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:1

Nangni le Laodikeia umhai le, taksaa ka hmêl hmu naw phawthai ta dingin iengti raua nasain am ka thaw pêk ṭâl ṭâl zie cheu hi in hriet ka nuom si a.

KOLOSSA 3:10

Mihriem thar chun in inthuom ta si a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.

1 THESSALONIKA 2:7

Krista tirkohai kan nina leiin inkhâwkpuium kan lo ni el thei de khawmin. Nu nau pawmin ama nauhai a duot angin, nangni laiah zaidamtakin kan um lem kha.

1 TIMOTHE 1:2

Ringnaa ka nau taktak Timothe kuomah: Pathien ei Pa le, ei Lalpa Isu Krista kuoma inthawka lunginsietna dâm, zângaina dâm, inremna dâm hung um raw se.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

PHILEMON 1:10

ka nau Onesima, kawl bun puma ka inei ta ding hin i kuomah ka ngênpêk a nih.

PHILEMON 1:19

Kei Paulain keima kut ngeia ka ziek a ni hi; keiin thung pêk ka tih, ka kuoma nangma ngei khawm în batzie hril che lem chu ka ni nawh.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 2:12

Nauhai, ama hming leiin in suolhai ngaidam a ni tâk leiin in kuomah ka ziek a ni hi.

1 JOHAN 5:21

Nauhai, milima inthawkin in siekieng ro.

3 JOHAN 1:4

Ka nauhai thutakah an um ti ka hriet nêka lâwmna nasa lem hrim ka nei nawh.