GALATI 3:29 - Pathien Lekhabu Inthieng (BSI)

²⁹ Chun, Krista ta in ni chun, Abraham thla, thutiem anga rohluotu dinghai in nih.

GALATI 3:29 ပူးပေါင်းရင်းမြစ်များ

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

2 KORINTH 10:7

In mithmua thil umhai chu a nih in en hlak chu. Tûkhawmin Krista ta nia ân ring chun, hi hi mâkhâtin ngaituo nâwk raw se; ama chu Krista ta a ni ang bawkin keini khawm kan ni ve hi.

GALATI 3:16

Chun, Abraham kuomah a nih thu chu tiema a lo um chu, a chithla kuoma khawm. Mi tamtak chungthu hril angin, “Chithlahai kuoma khawm,” a ti naw a, mi pakhat chungthu hril angin, “I chithla kuoma khawm,” a ti lem a nih, chu chu Krista chu a nih.

GALATI 3:18

Rohluo ding chu Dân lei a ni chun thutiem lei ni ta naw ni a; nisienlakhawm, Pathienin thutiem leiin a nih Abraham kuoma a pêk chu.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

GALATI 3:7

Chuleiin, hre ro, ringnaa umhai, chuonghai ngei chu Abraham nauhai an nih.

GALATI 4:1

Nisienlakhawm, hienghin ka ti a nih: Rohluotu ding chu iengkim chunga hotu ni sien la khawm, naupang a la ni sûng chu suok leh danglamna a la nei chuong nawh.

GALATI 4:7

Chuongchun, suok i ni ta naw a, nau i ni lem; chun, nau i ni chun Pathien zâra rohluotu ding i nih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

TITA 3:7

Chuongchun, a lunginsietnaa thiem inchangtira hung umin, chatuona hringna beiseina ang peiin rohluotu dinga siemin um thei ei tih.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 11:18

“Isaka hin i thlahai tîng an tih,” a ti ang ngei khan;

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

HEBRAIHAI 6:17

Chuongchun, Pathienin thutiem rohluo dinghai kuoma chun a rorêlna danglam ngai nawzie, nasa nâwk zuola inentir nuomin inkhâmin a sukdet a;

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.