GALATI 3:22 - Pathien Lekhabu Inthieng (BSI)

²² Nisienlakhawm, Isu Krista ring leia thiltiem chu ringtuhai kuoma pêk a ni theina dingin, Pathien Lekha thu chun suol hnuoiah iengkim a khârkhip ta vawng a.

GALATI 3:22 ပူးပေါင်းရင်းမြစ်များ

INPÂKNA HLABU 143:2

I siehlaw chunga hin rorêl naw la, I mithmua chun mihring hrim hrim thiem chang an um âwm si naw a.

MARKA 16:16

Awia, baptisma chang chu sandamin um an tih; a awi naw ruok chu thiemnaw changin um an tih.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 3:36

Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

THILTHAWHAI 16:31

Chun, anni chun, “Lalpa Isu ring la, chuongchun, sandamin um i tih, nang le i sûnghai leh,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:9

I bauin, “Isu chu Lalpa a nih” tia i ṭan a, mithi laia inthawkin Pathienin a keitho ti i lungrila i ring phawt chun sandamin um i tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:32

Pathienin a lunginsiet vawng theina dingin mi po po awi lonaah a khum ta vawng si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:23

Mi po poin thil an suksuol vawng ta a, Pathien ropuina an chang zo ta naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:12

Chuongchun, mi pakhat leiin suol khawvêla hin a lût a, suol leiin thina a lût bawk a; chuong ang bawkin mi po poin thil an lo suksuol ta leiin thinain mi po po a fang suok ta a.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 3:17

Chun, hienghin ka ti a nih: Thuthlung Pathienin a lo sukdet ta chu, Dân kum za li sâwmthum hnunga hung um ta khan thutiem chu iengkhawm lova siemin a sukbo naw a.

GALATI 3:23

Nisienlakhawm, ringna a hung tlung hma khan, ringna hung inlang ding ta dinga khârkhipa Dân hnuoia vêng ei ni kha.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

2 TIMOTHE 1:1

Paula, Krista Isua hringna um tiemna thu chu hril kawnga Pathien dit zâwnga Krista Isu tirko chun:

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

1 JOHAN 2:25

Chun, hi hi a nih, ama ngeiin thil a mi tiem kha Chatuona hringna hi.