GALATI 3:17 - Pathien Lekhabu Inthieng (BSI)

¹⁷ Chun, hienghin ka ti a nih: Thuthlung Pathienin a lo sukdet ta chu, Dân kum za li sâwmthum hnunga hung um ta khan thutiem chu iengkhawm lova siemin a sukbo naw a.

GALATI 3:17 ပူးပေါင်းရင်းမြစ်များ

INṬANNA 15:13

Chun, Lalpa chun Abram kuomah, “I thlahai chu anni ram ni lovah mikhuolin la um an ta, chutaka chun suokin um an tih ti chiengtakin hre raw khai; chun, kum za li sukinum an ta;

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

JOB LEKHABU (THE BOOK OF JOB) 40:8

Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

INPÂKNA HLABU 105:9

Abraham kuoma a thuthlung le, Isak kuoma a înkhâmna chu.

INPÂKNA HLABU 33:10

Lalpain hnam tin remruot chu iengkhawm ni lovah ân changtir a, Mi tin ngaituohai chu iengkhawm ṭhathnemna nei lovin a siem hlak.

ISAI 14:27

Sipaihai Lalpa chun a ruot ta si a, tuin am lâkpêk a ta? A kut chu pharin a um ta a, tuin am inlâkkîrtir a ti leh?” tiin.

ISAI 28:18

Chun, thina kuoma in thuthlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

NAMBAR 30:8

Amiruokchu, a pasal chun a hriet huna a phal naw chun a chunga thutiem um le thu dâwn lova ân tiemna chu sukbo a tih; chun, Lalpain ngaidam a tih.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

THILTHAWHAI 7:6

“Chun, Pathienin hieng ang hin a hril:- ‘A thlahai mi khuo tieng kum za li thang an tih, miin suokah siem an ta,suknawmna bawk an tih,’ tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:3

Anni laia ṭhenkhathai ringum nawhai sien khawm ieng am a ni chuong leh? An ringumnawna chun Pathien ringumzie chu ieng khawm ni lovin a siem chuong am a nih?

1 KORINTH 1:12

Hi hi a nih ka ti chu: Mi tinin, “Kei Paula pâwl ka nih,” “Kei Appolo pâwl ka nih,” “Kei chu Kipha pâwl ka nih,” “Kei chu Krista pâwl ka nih,” in ti tâwl hi.

1 KORINTH 1:17

Krista chun baptis dingin a mi tir si nawh, Chanchin Ṭha chu hril dingin a mi tir lem a nih; thu vara hril lovin; chuong naw chun, Krista kraws chu iengkhawm ni lovin inchangtir rawi an tih.

1 KORINTH 10:19

Ieng am a na ka hril? Milim hmaa thil inhlân chu hlutna nei thil am a nih? Milim khawm chu thil tlâktlai am a ni ?

1 KORINTH 7:29

Amiruokchu, unauhai, hi hi ka ti a nih; hun hi suktâwiin a um a nih, tuta hnung chu, nuhmei neihai chu neinaw anga an um theina ding le,

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um si a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

2 KORINTH 9:6

Amiruokchu, chuong ang kawnga chun, the tlâwm chun sîk tlâwm a ta, the tam chun sîk tam a tih.

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai naw a, bel khawm an belsa ngai bawk nawh.

GALATI 3:21

Annawleh, Dân chun Pathien thutiemhai chu a kal am a nih? Teu lo e a! Dân mi sukhringthei hrim hrim pêkin a um ta si chun, felna chu Dân leiin a um ngei ding a nih.

GALATI 5:16

Chuongchun, hi hi ka ti a nih: Thlarauah um ro; chuongchun, tisa châkna chu in zâwm naw ding annâwm.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

EPHESI 2:12

khâng lai khan Krista boin, Israel khuoletui leh intuolkhat lovin, khawvêla hin beiseina hrim nei lo le, Pathien boa umin, tiemna thuthlunghaia mikhuola in um kha.

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

KOLOSSA 2:4

Tûkhawma bau thiema an hlêm nâwna ding cheuin, chuong chu ka ti a nih.

HEBRAIHAI 11:13

Chuong po po chu ringna neiin an thi ta a, thiltiemhai chu chang lovin; nisienlakhawm, chuong chu hlataka inthawka hmuin chibai an lo bûk ta a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 7:18

A hrât naw le a ṭhathnem nawna leiin thupêk um hmasa chu peiin a um a.

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;