GALATI 2:9 - Pathien Lekhabu Inthieng (BSI)

⁹ Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

GALATI 2:9 ပူးပေါင်းရင်းမြစ်များ

2 LALHAI 10:15

Chun, chutaka inthawka a suok hnung chun Rekab naupa Jehonadab, ama tuok dinga hung a va hmu a; chuongchun, chibai a bûk a, a kuomah, “I chunga lungril indik ka put ang hin lungril indik i put ve am chu?” a ta. Jehonadab chun, “Put e,” tiin a dawn a. “Anleh i kut mi hang pe ta,” a ta. Chuongchun, a kut chu a hang pêk a; chun, ama chun a kuomah a tawlailîr sûngah a kei lût ta a.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

LUKA 22:8

Chuongchun, Isûn Peter le Johan chu, “Fekân Ruoi bu ei fâk dingin va buotsai ro,” a ta.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

THILTHAWHAI 12:17

Chuongchun, ama chun an tona dingin kutin a zâp a, Pathienin intângna ina inthawka a ṭhuoi suokzie chu a hril ta a. Chun, “Hieng thu hi Jakob le unauhai kuomah va hril ro,” a ta. Chun, a suok a, ram dangah a fe ta a.

THILTHAWHAI 15:13

Chun, an hril zoin Jakobin a hril ve thung a; “Unauhai, ka thu lo ngai ta u,

THILTHAWHAI 15:7

Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.

THILTHAWHAI 4:36

Chun, Josef, tirkohaiin Barnaba an ti chu, (chu hming umzie chu “Thlamuongna nau,” tina a nih), Levi chi, Kupra thlierkâra mi a na,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:15

Nisienlakhawm, inhriettir nawn ding cheuin khâwlai lai hin amanih huoitakin ka ziek a nih: Pathienin a mi pêk lunginsietna lei hin Jentailhai laia Krista Isu rawngbâwltu ka nih.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

2 KORINTH 11:5

Chu tirko lien takhai chu ieng kawnga khawm ka tluk naw ka ring naw a nih.

2 KORINTH 12:11

Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

2 KORINTH 8:4

lunginsietna mi inthienghai rawngbâwla ṭhang ve chu nasataka keini mi hniin.

GALATI 1:16

Jentailhai laia Chanchin Ṭha ka hril theina dingin, a Naupa chu keimaa ân lârtir lai khan, tisa le thisen kân rawnpui naw a.

GALATI 1:18

Chun, kum thum ân vawi hnungin Kipha kan dingin Jerusalemah ka hang fe a, a kuomah ni sâwmpanga ka châm a.

GALATI 2:1

Chun, kum sâwmpali ân vawi hnungin, Tita khawm chu ṭhuoi vein, Barnaba ruolin Jerusalemah ka hang fe nâwk a.

GALATI 2:2

Chun, hriettirna leiin ka hang fe a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.