GALATI 2:6 - Pathien Lekhabu Inthieng (BSI)

⁶ Chun, mi lien deua an iruothai lai chun, (ieng ang mi khawm ni sien la ka ta dingin a dang chuong nawh, Pathienin tûkhawm a thlier bîk naw a) mi lien deua an iruothai chun iengkhawm an mi belsa chuong si naw a;

GALATI 2:6 ပူးပေါင်းရင်းမြစ်များ

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si naw a.

MARKA 12:14

Chun, anni chu an hung tlung chun a kuomah, “Inchûktirtu, mi indiktak i na, tukhawm pawisak chuong i nei nawh ti kan hriet a, tukhawm thlier bîk nei lovin, theipatâwpin Pathien thu în chûktir hlak a. Kaisar kuoma sie chawi hi a thieng am a ni a thieng naw? kan pêk ding am a ni, kan pêk naw ding?” an ta.

LUKA 20:21

Anni chun a kuomah, “Inchûktirtu, indiktakin thu i hrilin în chûktir a, tûkhawm thlier bîk lovin, thaw taktakin Pathien kawng thu în chûktir hlak ti kan hriet a;

THILTHAWHAI 10:34

Peter chun a hril a, “Pathienin mi ditsak bîk a nei nawh ti indiktakin ka hriet;

THILTHAWHAI 5:36

Tuta hma khawm khan, Theoda, ‘Mi lien ka nih,’ tiin a hung um a, chu mipa kuoma chun mi tamtak, za li lai an lo kawp a. Ama chu sukhlumin a um ta a; a thu zâwm taphawt chu an rêngin an indar ta vawng a, iengkhawm an ni ta nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:11

Pathienin mi ditsak bîk a nei si naw a.

2 KORINTH 11:5

Chu tirko lien takhai chu ieng kawnga khawm ka tluk naw ka ring naw a nih.

2 KORINTH 12:11

Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

2 KORINTH 5:16

Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.

GALATI 2:2

Chun, hriettirna leiin ka hang fe a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.