GALATI 2:4 - Pathien Lekhabu Inthieng (BSI)

⁴ unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

GALATI 2:4 ပူးပေါင်းရင်းမြစ်များ

INPÂKNA HLABU 119:45

Chun, hluotu neilovin lêng ka ta, I thununna thuhai chu ka zawng si a.

INPÂKNA HLABU 51:12

I mi sandam hlimna chu mi pe nâwk la, Tiawina thlarauin mi chel zing la;

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

LUKA 5:38

Uoin thar chu savun peng tharahai an thun lem ding a nih.

THILTHAWHAI 15:1

Chun, mi tuhai amanih Judai rama inthawkin an hung thla a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

THILTHAWHAI 20:30

Nangni laia mi khawm, inchûktirhai an kuoma inkawptir dingin thu hran hril la hung um an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

2 KORINTH 11:13

Mi chuong ang mi chu, Krista tirkoa insiem fâwm, tirko tehlêmhai, sinthawtu mi hlêm hmanghai an ni si a.

2 KORINTH 11:17

Ka hril hi Lalpa thu angin ka hril naw a, ka insuongna ringzona leiin invêt ang takin hril ka ni lem a nih.

2 KORINTH 11:20

Miin suokah siem sienla cheu, fa zo duok sienla cheu, salah man sienla cheu, ama le ama inchawimawi sienla, in hmaiah ben sienla cheu khawm in daw hlak si a.

2 KORINTH 11:26

Inzinna ṭum tamtakhaiah, vadunga ṭiumnaahai, suomhmanghai laia ṭiumnaahai, ka chipuihai laia ṭiumnaahai, Jentailhai laia ṭiumnaahai, khawpuia ṭiumnaahai, thlalêra ṭiumnaahai, tuisuorieta ṭiumnaahai, unau tehlêmhai laia ṭiumnaahai,

2 KORINTH 3:17

Chun, Lalpa chu Thlarau chu a na, Lalpa Thlarau umna taphawta chun zalênna a um hlak.

GALATI 1:7

Chu chu Chanchin Ṭha a ni ve si naw a; nangni sukbuoiin, Krista Chanchin Ṭha suk danglam nuom tuhai amanih an um el a nih.

GALATI 4:25

Chun, Hagar hi Arabia rama Sinai tlâng chu a nih Jerusalem tulaia um le hin angkhat an nih; a nauhai leh suokah an um si a.

GALATI 4:3

Chuong angin eini khawm naupang ei ni lai khan, khawvêl A AW B hnuoiah suokin ei um.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

GALATI 5:10

Ngaituo danglam naw ti niu ti Lalpaa chun kei chun nangni tieng ka ring cheu a nih; nisienlakhawm, a sukbuoitu cheu chu, tûkhawm ni sien la, a chunga rorêlna chu la tuor a tih.

2 TIMOTHE 3:6

Chuong ang laia mihai chu inahai lûta, suol rikphur nuhmei invêt deuhai sala man hlaktuhai kha an ni si a;

JAKOB 1:25

Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.

1 PETER 2:16

zalên in nih, nisienlakhawm, in zalênna chu suol inkhumna dinga hmang lovin, Pathien suoka umna dingin hmang lem ro.

2 PETER 2:19

Anni chu sietna suok ni pum zingin mihai chu zalênna thu an tiem hlak a; mi chu ama hnetu taphawt suokah a um hlak si a.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.