GALATI 2:20 - Pathien Lekhabu Inthieng (BSI)

²⁰ Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 2:20 ပူးပေါင်းရင်းမြစ်များ

HLAHAI HLA 7:10

Ka hmangaitak ta chu ka na, Chun, a châk zâwng khawm keia tieng a nih.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

JOHAN 15:13

Mihriemin a ruol ta dinga a hringna a pêk nêka hmangaina nasa lem tukhawmin an nei nawh.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 3:35

Pa chun Nau a hmangai a, a kutah iengkim a rêngin a pêk tah.

JOHAN 6:57

Pa hring zing chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:7

Tûkhawm mâni ta dinga hring ei ni naw a, tûkhawm mâni ta dinga thi ei ni bawk nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:6

Ei la hrât naw lai khan a hun takah Krista chu mi suolhai ai chun a lo thi ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:8

Chun, Krista kuomah ei thi ve ta chun, a kuomah hring ve bawk ei tih, ti ei ring a nih;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:10

Krista chu nangniah a um ruok chun, in taksa chu suolna leia thi khawm ni sien, Pathiena thiem changa um in ni leiin in thlarau chu a hring a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

1 KORINTH 6:17

Lalpa inzawmpui ruok chu ama leh Thlarau pumkhat an nih.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

2 KORINTH 10:3

Taksaa um inlang khawm taksa indo angin kan indo naw a,

2 KORINTH 11:10

Krista thutak keimaa a um ang hin Akaia ram tienga hi ka suongna hi tûkhawma mi sukbo pêk naw ni hai.

2 KORINTH 13:3

Krista chun keimaa thu a hril hlak ti hi infie in nuom leiin. Ama chu nangni tieng a hrâtnaw a ni naw a, thil thawtheitak a ni lem a nih.

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

2 KORINTH 5:14

Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thi a, chuleiin, mi po po chu an thi a nih.

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

2 KORINTH 5:7

(hmutheia fe lovin, ringnain ei fe lem si a);

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 2:16

nisienlakhawm, Dân thilthaw leiin mi thiem changin a um naw a, Isu Krista ring lei chauin thiem changin a um lem ti kan hriet si a. Keini khawmin Dân thilthaw lei ni lovin, Krista awina leia thiem changa kan um theina dingin, Krista Isu chu kan awi a nih; Dân thilthaw leiin mihriem hrim hrim thiem changin um si naw ni hai a.

GALATI 3:11

Chun, Pathien mithmuin tûkhawm Dân leiin thiem chang an um nawh ti ân lang zing a nih, “Ringna leia mifel chu hring a tih,” ti a ni si a,

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

EPHESI 5:25

Pasalhai, in nuhmeihai hmangai ro, Kristain kohran a hmangai a, a aia ama ân pêk ang khan,

PHILIPPI 1:21

Ka ta ding chun hring hi Krista a ni si a, thi khawm hlâwkna a nih.

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

1 THESSALONIKA 5:10

Ei meng khawma, ei in khawma, ama leh ei hring kawp theina dingin ama chu ei thi aiin a thi a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni si a; chuongchun, hi Thiempu Laltak khawm hin ieng amani bêk inhlân ding nei a ngai a nih.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.