GALATI 2:14 - Pathien Lekhabu Inthieng (BSI)

¹⁴ Nisienlakhawm, Chanchin Ṭha thutak angin an um fel nawh ti ka hrietin, Kipha kuomah, an rênga hmaah, “Nang Juda mi ni siin, Juda anga um lovin Jentail angin i um a. Iengtiziea Jentailhai chu Judahai anga în umluitir hlak am a na?” ka ti a.

GALATI 2:14 ပူးပေါင်းရင်းမြစ်များ

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni si a.

INPÂKNA HLABU 15:2

Indiktaka uma, feltaka thawa, A lungrila thu tak tak hril mi chu;

INPÂKNA HLABU 58:1

Aw rorêltuhai, felna thu maw in hril tak tak? Aw mihriem nauhai, indiktakin maw ro in rêl?

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

THUVARHAI 10:9

Mi tluongtaka fe chu ngamtakin a fe a, A lampuihai pêtsantu ruok chu hriet nîng a tih.

THUVARHAI 2:7

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih.

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

THILTHAWHAI 10:28

An kuomah, “Juda mîn hnam dang kuoma fe le pâwl a thieng nawzie nangnîn in hriet a nih; nisienlakhawm, tukhawm inthiengnaw le pawrche ka ti ding an nawh ti Pathienin a mîn hriettir a nih.

THILTHAWHAI 15:1

Chun, mi tuhai amanih Judai rama inthawkin an hung thla a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

THILTHAWHAI 15:5

Nisienlakhawm, Pharisai pâwl, ring ve tuhai amanih an tho a, “Jentailhai ser tan ding a nih. Mosie dân zâwm khawm anni chu tiem kher ding a nih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng lova ngaitu ta ding chun, ama ta ding chun ân thieng naw a nih.

GALATI 1:18

Chun, kum thum ân vawi hnungin Kipha kan dingin Jerusalemah ka hang fe a, a kuomah ni sâwmpanga ka châm a.

GALATI 1:6

Krista lunginsietna zâra a kotu cheu kha chuong ang thuta chanchin ṭha dang tienga in kai san hi a mak ka ti a nih.

GALATI 2:3

Nisienlakhawm, Tita ka kuoma um khawm chu, Grik mi ni sien khawm ser tan lui pêkin a um ta naw a;

GALATI 2:5

Nisienlakhawm, Chanchin Ṭha thutak chu in kuoma a um zing theina dingin, dârkâr khat khawm intuklûtin an thu ka zâwm naw a.

GALATI 2:7

chuong nêk hmanin Sertanhai Chanchin Ṭha Peter kuoma inkawltira a um angin, Sertannawhai Chanchin Ṭha ka kuomah inkawltirin a um ti an hriet a.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

GALATI 6:12

Tisaa hmêl insukmawi nuomhai poin sertana um dingin an tir lui hlak cheu a nih; ieng dang lei khawm a ni naw a, Krista kraws leia suknawmnatna an tuor nawna ding chau a nih.

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

HEBRAIHAI 12:13

chun, kebai chu sukpelsawl lova, sukdama a um lemna dingin, in kehai ta dingin lampui tlûnhai siem ro.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.