GALATI 1:6 - Pathien Lekhabu Inthieng (BSI)

⁶ Krista lunginsietna zâra a kotu cheu kha chuong ang thuta chanchin ṭha dang tienga in kai san hi a mak ka ti a nih.

GALATI 1:6 ပူးပေါင်းရင်းမြစ်များ

INPÂKNA HLABU 106:13

Nisienlakhawm, a thilthawhai chu an theinghil vak ta a, A remruot chu an nghâk pei naw a.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

MARKA 6:6

An awi nawna chu mak a ti hle a. Chun, inchûktir pum peiin khuohai chu a fang vêl a.

JOHAN 9:30

Chun, ama chun an kuomah, “Chu chu a nih a makna chu, khâwlaia inthawka hung suok am a ni in hriet naw a, ka mit a sukvar tlat si hi.

THILTHAWHAI 15:11

Anni ring ang bawkin eini khawmin Lalpa Isu lunginsietna leia sandam ding ei nih ti ei ring si a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:3

Pathien felna hre lovin, anni felna sukdet an tum a, Pathien felnaah an inpêk lût si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:30

Chun, a ruot lâwkhai chu a ko bawk a; a kohai chu thiem ân changtir bawk a; chun, thiem ân changtir hai chu a châwimâwi bawk a.

1 KORINTH 4:15

Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.

2 KORINTH 11:4

Mi dang hungin Isu dang, a thu kan ihril ngai naw a hril a, thlarau danglam in la dawng ngai naw in dawngin, chanchin ṭha dang in ilâwm ngai naw chu in lâwmin in ngaithei pei el a ni maw?

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

GALATI 1:11

Chuongchun, unauhai, ka Chanchin Ṭha hril kha mihriem tieng thu a ni nawh ti kân hriettir cheu.

GALATI 1:15

Chun, ka nu phîngsûnga inthawka a mi suktumtu le, a lunginsietna leia a mi kotu Pathien chun lungnitaka,

GALATI 1:7

Chu chu Chanchin Ṭha a ni ve si naw a; nangni sukbuoiin, Krista Chanchin Ṭha suk danglam nuom tuhai amanih an um el a nih.

GALATI 2:14

Nisienlakhawm, Chanchin Ṭha thutak angin an um fel nawh ti ka hrietin, Kipha kuomah, an rênga hmaah, “Nang Juda mi ni siin, Juda anga um lovin Jentail angin i um a. Iengtiziea Jentailhai chu Judahai anga în umluitir hlak am a na?” ka ti a.

GALATI 2:2

Chun, hriettirna leiin ka hang fe a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

GALATI 2:5

Nisienlakhawm, Chanchin Ṭha thutak chu in kuoma a um zing theina dingin, dârkâr khat khawm intuklûtin an thu ka zâwm naw a.

GALATI 2:7

chuong nêk hmanin Sertanhai Chanchin Ṭha Peter kuoma inkawltira a um angin, Sertannawhai Chanchin Ṭha ka kuomah inkawltirin a um ti an hriet a.

GALATI 5:14

“Nangma în hmangai angin i vênghai i hmangai ding a nih,” ti thu baukhata hin Dân thu po po chu a famkim tah a ni si a.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

2 THESSALONIKA 2:14

Chuong anga ding chun ama chun kan Chanchin Ṭhaa hin a ko cheu kha, ei Lalpa Isu Krista ropuina nei dingin.

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

1 TIMOTHE 1:3

Makedonia rama ka fe ding laia Ephesia um zing dinga ka ngên che ang khan, mi ṭhenkhathai chu inchûktirna danglam hrim inchûktir lo dinga i kâwk theina ding le,

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

1 PETER 1:15

a kotu cheu chu ân thieng angin, nangni khawm in chângzie po poah lo inthieng lem ta ro;

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk si a.

THUPUONGSUO 22:21

Lalpa Isu lunginsietna chu mi inthienghai kuomah um raw se. Amen.