FESUOKNA 7:3 - Pathien Lekhabu Inthieng (BSI)

³ Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

FESUOKNA 7:3 ပူးပေါင်းရင်းမြစ်များ

NEHEMIA 9:10

Pharao le a siehlawhai po po le, a rama mi po pohai chungah inchikna le thilmakhai în langtir a; chapotakin an chunga thil an thaw ti i hriet si a, chuongchun, tu chen hin hming în siem ta a.

INPÂKNA HLABU 135:9

Aw Aigupta, ama chun inchiknahai le thilmakhai i chungah a hung tir a, Pharao chung le a siehlawhai po po chunga chun.

INPÂKNA HLABU 78:12

An thlatuhai mithmuah thilmakhai a thaw hlak a, Aigupta rama Zoan phûla chun.

FESUOKNA 11:10

Mosie le Aron chun Pharao hmaa chun thilmakhai po po chu an thaw ta a; nisienlakhawm, Lalpa chun Pharao lungril chu a sukngar leiin, a rama inthawk chun Israel mipuihai chu ân fesuoktir chuong nawh.

FESUOKNA 11:9

Chun Lalpain Mosie kuomah, “Aigupta rama hin ka thilmakhai sukpung a ni theina dingin, Pharao chun in thu a ngai naw ding a ni hi,” a ti a.

FESUOKNA 14:4

Chun, Pharao lungril chu sukngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun Lalpa ka ni mi hre tâng an tih,’ tiin,” a ti a. Chuong ang tak chun an thaw ta a.

FESUOKNA 3:20

Chun, keiin ka kut inlet ka ta, ka thilmakhai po po chu anni lai ngeia thawin, Aigupta chu hung suksieng ka tih: chu hnunga ruok chun infetir a ti cheu.

FESUOKNA 4:21

Lalpa chun Mosie kuomah, “Aiguptaa i kîr nâwk pha, i kuta thilmak ka sie po pohai kha Pharao hmaah thaw ngei i ta; nisienlakhawm, mihai chu ân fetir nawna dingin a lungril chu ka sukngar ding a nih.

FESUOKNA 4:29

Chun, Mosie le Aron chu an fe ta a, Israel upahai po po chu an ko khâwm a.

FESUOKNA 4:7

Lalpa chun, “I kut kha i ângsûngah sie nâwk rawh,” a ti a; chun, a kut chu a ângsûngah a sie nâwk a, ngai ta, a ângsûnga inthawka a lâk suok phing chun a taksa dang ang bawkin a um nâwk ta a.

FESUOKNA 7:13

Pharao lungril chu sukngarin a um a, Lalpain a hril ang khan an thu chu a ngai naw a.

FESUOKNA 9:16

nisienlakhawm, hi thilthaw kawng ngeihaia hin ka thilthawtheinahai chu nangmaa inentir a ni theina ding le khawvêl po poa ka hming chu puongdar a ni theina dingin ka la dawmngir zing che a ni hi.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

ISAI 51:9

Aw Lalpa bân, har la, har la, hrâtna thar inbel rawh; tienlaia, tienlai suonhai um laia i har ang khan har rawh. Nang hi Rahab sât nawitu, dragon suntu kha i ni an nâwm a nih?

MIKA 7:15

Aigupta rama inthawka i fe suok lai ang khan a kuomah thil maktakhai inentir ka tih.

JOHAN 4:48

Isûn a kuomah, “Inchiknahai le thilmakhai in hmu naw chun ring tawp naw ti niu,” a ta.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

THILTHAWHAI 7:36

Ama chun Aiguptaa dâm, Tuipui Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:18

Chuongchun, Pathienin a nuom po a lunginsiet a, a nuom po a suklulul hlak a nih.

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 7:19

fiena nasatakin in mit ngeia in hmuhai, inchikna dâm, thilmak dâm, kut hrâttak dâm, bân phar dâma Lalpa in Pathienin a ṭhuoi suokna cheu kha; khâng ang khan Lalpa in Pathienin in mi ṭihai chunga chun thaw pei a tih.