FESUOKNA 5:3 - Pathien Lekhabu Inthieng (BSI)

³ Anni chun, “Hebraihai Pathien chun a mîn tuokpui ta a, kan ngên che, Lalpa kan Pathien kuoma inthâwi dingin thlalêra ni thum lam chenah mîn fetir rawh; chuong naw chun kan chungah kâwlhnâmin amanih, hriin amanih tla rawi a tih,” an ti a.

FESUOKNA 5:3 ပူးပေါင်းရင်းမြစ်များ

FESUOKNA 3:18

Chun i râwl chu ngai an ta, nang le Israel upahai chu Aigupta lal kuomah fêng in ta, a kuomah, Hebrai mihai Pathien, Lalpa chun keini a mîn tuokpui a, Lalpa kan Pathien kuoma inthawina kan inhlân theina dingin, thlalêrah ni thum lam chen mîn fetir rawh, kan hni che hi, tîng in tih.

EZEKIEL 6:11

Lalpa Pathien chun hieng hin a tih, “I kut ben la, i kein sir la, chun, Ehei! Israel sûngkaw tirdakumna suol po po lei chun, kâwlhnâma le, ṭâmnaa le hripuiah an tlu ding a ni si a, ti rawh.

EZRA 7:23

Vân Pathienin a iphût ang taphawt chu, vân Pathien in ta ding chun thaw tei ni raw se; iengdingin am lal le a naupahai ram chunga hin a lunginsenna chu um a ta?

2 CHANCHIN SUINA 30:8

In thlatuhai an ni angin mi kâwmâwhai ni naw unla; nangni chu Lalpa kuomah inpe lem ro; kumkhuoa dinga sukthieng tah, a hmun inthienga chun lût unla, nangnia inthawka a lungsenna ṭiumtak chu ân kieng theina dingin Lalpa in Pathien rawng chu bâwl ro.

2 LALHAI 17:25

Chuongchun, chutaka an hang um hlim chun Lalpa an ṭi naw a; chuongchun, Lalpain anni lai chun sakeibakneihai a tir a, mi ṭhenkhathai an se a.

DÂN PAHNINA 28:21

“Hluo dinga in lûtna rama inthawka a sukbohmang vawng hmakhat cheu chun Lalpain hri inkawltir tlat a ti cheu.

FESUOKNA 7:16

Chun, a kuomah, ‘Lalpa, Hebraihai Pathien chun, Ka mihaiin ka rawng an bâwl theina dingin thlalerah infetir rawh, tiin i kuomah a mi hung tir a nih, ngai ta, chu chu i ngai si naw a.

FESUOKNA 8:1

Chun, Lalpain Mosie kuomah, “Pharao kuomah va fe la, a kuomah, ‘Hieng hin Lalpain a tih; Ka rawng an bâwl theina dingin ka mihai infetir rawh.

FESUOKNA 8:20

Chun, Lalpa chun Mosie kuomah, “Zîngkâr tho la, Pharao chu tui tienga a fe lai chu lo nghâk la, a kuomah, ‘Lalpain hieng hin a tih, ka rawng an bawl theina dingin ka mihai infetir rawh.

FESUOKNA 8:27

Thu a mi pêk angin, thlalêrah ni thum lama hlaah fêng kan ta, Lalpa kan Pathien kuoma chun inthâwi kan tih,” a ti a.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.