EZRA 9:7 - Pathien Lekhabu Inthieng (BSI)

⁷ Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

EZRA 9:7 ပူးပေါင်းရင်းမြစ်များ

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên che a,

2 CHANCHIN SUINA 29:6

Ei thlatuhai khan an lo bawsiet a, Lalpa ei Pathien mithmuah thil suol chu an lo thaw ta si a; an ngha hmang a; Lalpa umna hmuna inthawk chun an ngha hmang a, an hnung an innghat ta a.

2 CHANCHIN SUINA 30:7

Nangni chu in thlatuhai Pathien Lalpa chunga bawsetu inthlatuhai le in unauhai ang kha chu ni naw unla, chuong lei chun sietnaah anni chu a pêk suok tah a ni kha in hmu a.

2 CHANCHIN SUINA 34:24

Lalpa chun hieng hin a tih, Ngai ta u, hi hmuna le hi hmun hluotuhai chunga chun thil ṭha naw ka hung intlungtir ding a nih; Juda ram lal hmaa an tiem tah lekhabua khâng ṭawngsiehai po po kha,

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khawhlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 32:32

Juda mihai le Israel mihai suolna po po, mi suklungsenna ding ela, anni le an lalhai le an rorêltuhai le, an thiempuhai le, an zâwlneihai le, Juda rama mihai le Jerusalem hluotuhaiin an lo thaw tahai lei chun.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:9

In thlatuhai khawhlona dâm, Juda ram lalhai khawhlona dâm, an nuhmeihai khawhlona dâm le nangni khawhlona dâm ngei khawm, in nuhmeihai khawhlonahai Jerusalem kawtthlêrhaia le, Juda rama an thawhai kha in hriet zing naw am a nih?

ṬAP HLA 5:7

Kan thlatuhai chu an lo suol ta a, an um ta naw a, Keiniin an khawhlona chu kan phur a nih.

EZEKIEL 11:9

Chun, chutaka inthawk chun la suok ka ti cheu a, hmêlhrietlohai kutah pêng ka ti cheu a, chun, nangni lai chun rorêlna chu tirsuok ka tih.

EZEKIEL 39:23

Chun, hnamhai chun Israel sûngkuo chu an suol leia sala intâng an nih ti hrieng an ta; ka chungah an lo bawsiet ta a, kei khawma ka hmai ka thuppêk bawk leiin; chuongchun, an hmêlmahai kutah anni chu ka pêk a, an rêng el chun kâwlhnâma chun an lo tlu ta a.

NAMBAR 32:14

Chun, ngai ta u, Israelhai chunga Lalpa lungsenna ṭiumtak chu belsain nangni suon suolhai hin in puhai ai in aw ta a.

1 SAMUEL 12:15

amiruokchu, Lalpa râwl chu ngai lova Lalpa thupêk in helsan chun in puhaiin Lalpa kut an tuor ang bawkin nangni khawma tuor in tih.