EZRA 9:6 - Pathien Lekhabu Inthieng (BSI)

⁶ “Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

EZRA 9:6 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên che a,

2 CHANCHIN SUINA 28:9

Amiruokchu, Lalpa zâwlnei chutaka chun a lo um a, a hming chu Oded a nih; ama chu sipai ruol Samariaa hung lût dinghai chu tuok dingin a fe a, an kuoma chun, “Ngai ta u, in thlatuhai Pathien Lalpa chu Juda ram chunga chun a lunginsen leiin anni chu an kutah a pêk ta a, chun, anni chu lunginsenin in that a, chu chu vânah a hang tlung tah a nih.

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khawhlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

EZRA 9:15

Aw Lalpa, Israel Pathien, nang chu în dik a, a suok a mahla chu i mi lo hlapêk ta si a, vawisûn ni ang chen khawm hin: ngai ta, kan khawhlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si naw a,” tiin.

NEHEMIA 1:6

Israel mipuihai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel mipuihai ka ngênpêkna hi mi lo ngaithlapêk la; kei le ka pa sûnghai chu kan lo suol ta si a.

JOB LEKHABU (THE BOOK OF JOB) 40:4

“Ngai ta, kei iengkhawplo hin ieng tin am dawn ka ti che a? Ka kutin ka bau hup el ka tih.

JOB LEKHABU (THE BOOK OF JOB) 42:6

Chuleiin, kei le kei kân theida a, kân sîr a nih, Vuthai lai le pilvut laia ṭhungin,” tiin.

INPÂKNA HLABU 38:4

Ka rîtlonahai chun ka lu hi a chîm hmang a, Phur riktak ang ka zo ruol lo hi a nih.

INPÂKNA HLABU 38:5

Kân vêtna leiin, Ka pawpnahai hi a hmawnin a khawhlo zo ta a.

FESUOKNA 32:31

Chun, Mosie chu Lalpa kuomah a hang fe nâwk a, “Aw hi mipui hin suolna nasatak chu an thaw ta a; rângkachak pathienhai an insiemfâwm a,.

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 59:12

Kan bawsietnahai hi i hmaah a pung ta si a; kan suolnahai hin a mi hêk hlak a nih: kan bawsietnahai hi kan kuomah a um zing si a, kan khawhlonahai chu kan hriet a nih:

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 31:19

Matheilovin, chu hnunga chun kân let a, kei khawm ka lamlêt ta a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

JEREMIA 51:9

Babulon chu sukdam ka tum a, nisienlakhawm, sukdamin a um si naw a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta si a; vânhai chena dawm sâng chu a ni ta si a.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

ṬAP HLA 3:42

Kan bawsiet a, kan hel ta a, nang chun i mi ngaidam naw a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

LEVI DÂN 26:40

“An suol, ka chunga an suolna lei le, an rîtlona le an pi le puhai rîtlona leh, a mi kal zâwnga an um leia

LUKA 15:21

Chun, a kuomah a naupa chun, ‘Pa, vâna mi chungah le nanga mithmuin thil ka suksuol a; i naupaa inbûk tlâk ka ni ta nawh,’ a ta.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

THUPUONGSUO 18:5

A suolnahai chun vân khawm a tawng ta hiel a, Pathienin a thilthaw felnawhai khawm chu a hriet zing si a.