EZRA 9:3 - Pathien Lekhabu Inthieng (BSI)

³ Hieng thu hi ka hriet phing chun ka silfên le ka zakawfuol chu ka keithlêr a, ka lua ka sam chu ka phawi ṭil a, ka khâkhmul leh; maktitakin ka ṭhung ta a.

EZRA 9:3 ပူးပေါင်းရင်းမြစ်များ

2 SAMUEL 1:11

Chuongchun, David chun ama silfênhai chu a chel a, a keithlêr ta a, chuong ang bawk chun a kuoma mi um po pohai chun an thaw ve a;

2 LALHAI 18:37

Chuongchun, lal insûng tieng hotu Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu an silfên keithlêrhai inbelin Hezekia kuoma chun an fe a, Rabsake thuhrilhai chu an hril a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 13:25

Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

INPÂKNA HLABU 119:53

Lungninawna nasatak hin a mi tlâk khum a. Mi rilo i dân fesantuhai leiin.

INPÂKNA HLABU 143:4

Chuleiin, ka thlarau hi ka sûngah a châu a, Ka lungril hi ka sûngah a lunginzîng tah .

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

ISAI 15:2

Dibon mipui chu bâwlhmuna hai chun ṭap dingin an hang fe a, Moabhai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

JEREMIA 36:24

Anni chu an ṭi naw a, an silfênhai khawm an keithlêr bawk naw a, hieng thuhai hretu lal le a siehlawhai hrim hrim khawm chun.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

EZEKIEL 3:15

Chun, sal intânghai, Kebar vadung panga Tel-abiba umhai, an umna hmun ngeia chun ka va feh a; chun, an kuomah chutaka chun maktiin ni sari sûng ka ṭhung ta a.

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 8:27

Chun, kei Daniel chu ka châu a, ni iengzât amani chu ka damnaw a; chun, ka tho a, lal sin chu ka thaw ta a: nisienlakhawm, thilhmulâwka chun mak ka ti êm êm a, tukhawma an hriet thiem si naw a.

LEVI DÂN 21:5

Thiempu chun an lu an vaw kawl ding a ni naw a, khâkhmul sîr tuok an mêt ding a ni bawk naw a, an taksa chu an ât pawp ding a ni bawk nawh.

MIKA 1:16

Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta si a.

JOSUA 7:6

Josua chun a puonhai a keithlêr a, ama le Israel upahai chu Lalpa bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.