EZRA 9:2 - Pathien Lekhabu Inthieng (BSI)

² An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

EZRA 9:2 ပူးပေါင်းရင်းမြစ်များ

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

1 LALHAI 11:1

Solomon chun Pharao naunu chau naw khawm hnam dang nuhmei tamtak Moab mi dâm, Ammon mi dâm, Edom mi dâm, Zidon mi dâm, Hit mi nuhmeihai dâm chu a hmangai a;

EZRA 10:2

Elam naupasalhai laia pakhat, Jehiel naupa Sekania chun Ezra chu a dawn a, a kuomah, “Ei Pathien chunga chun ei bawsiet ta chu a na, hi rama mihai hmêlmak nuhmeihai chu nuhmeia dâm ei nei ta a, amiruokchu, hi chungthua hin Israel mi ta ding hin beisei um a la um a nih.

EZRA 9:12

Chuleiin, tuhin, in naupasalhai chu an naunuhmeihai inneitir naw unla, in naunuhmeihai chu an naupasalhai khawm inneitir bawk naw ro; kumkhuoa dingin an hausakna amanih, anni le inremna amanih zawng bawk naw ro, chu ram thil ṭha chu in fâk a, in hung hrât a, kumkhuoa dinga in thlahai ta dinga rochan dinga in mâksanpêk theina dingin,’ ti kha.

EZRA 9:14

i thupêkhai chu kan bawsiet nâwkin, hieng pawrchenahai thawtu mipuihai le hin ṭhe ruollovin kan lân zawm zing ding am a nih? A suok ding um dêr lova, a mahla khawm hla dêr lova i mi kânghmang dêr hmakhat chun nang chu i lungdam ding am a nih?

NEHEMIA 13:17

Chuongchun, Juda mi lienhai chu ka khak a, an kuomah, “Châwlni sukpawrchea in thil ṭha naw thaw hi ieng am a ni a?

NEHEMIA 13:28

Chun, thiempu lal Eliasib nau, Joiada naupa pakhat Horon mi Sanballat mâkpa a na, chuleiin, ka kuoma inthawk chun kân tlânhmangtir ta a.

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

FESUOKNA 22:31

“Ka kuoma chun mi inthieng nîng in ta, chuongchun, ramsahai fâk hnung sa hrim hrim chu fa naw ti niu a, uihai kuomah pe lem in tih.

FESUOKNA 34:16

An naunuhmeihai chu i naupasalhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

LEVI DÂN 21:15

chuongchun, a chipui lai a thlahai chu a sukpawrche naw ding a nih; kei hi Lalpa ama sukthiengtu chu ka ni si a,’ ti rawh,” tiin.

MALAKI 2:11

Juda chun khawhlotakin a lo thaw ta a, Jerusalem le Israel lai khawm chun tirdakumna chu thaw a lo ni ta a;Juda chun Lalpain inthiengna a hmangai chu a lo sukpawrchein, pathien danglam naunuhmei chu a lo nei ta a.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.

1 KORINTH 7:14

Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

2 KORINTH 6:14

Awinawhai leh inruolnawtaka rîngkawl bât hmunkhatin um naw ro; rîtlona le felnain ieng am inṭawmna an nei a? Annawleh, inthim le varin ieng am inpâwlna an nei a?

DÂN PAHNINA 14:2

Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

JOSUA 22:15

Chun, Reuben mihaihai le Gad mihai le Manasse hnam zâtvehai kuoma chun Gilead ramah an hang fe ta a,

JOSUA 23:12

Chuong naw chun, in nghatsan hlau a, hieng hnam la umhai, nangni laia la chêng zinghai hi in inkawppui a, anni le nuhmei pasal in innei a, anni chu in pâwl a, anni khawma an pâwl vai cheu chun,