EZRA 9:14 - Pathien Lekhabu Inthieng (BSI)

¹⁴ i thupêkhai chu kan bawsiet nâwkin, hieng pawrchenahai thawtu mipuihai le hin ṭhe ruollovin kan lân zawm zing ding am a nih? A suok ding um dêr lova, a mahla khawm hla dêr lova i mi kânghmang dêr hmakhat chun nang chu i lungdam ding am a nih?

EZRA 9:14 ပူးပေါင်းရင်းမြစ်များ

EZRA 10:10

Chun, thiempu Ezra chu a ngîr suok a, an kuomah, “In bawsiet ta a, Israel ram khawhlona chu belsa dingin hmêlmak nuhmei in nei nâwk nghâl a.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

EZRA 9:8

Tuhin mitkhapkâr tawitea dingin kan Pathien Lalpa zângaina chu hla bîkhai mi la mâksanpêk ding le, a hmun inthienga um zingna mi pe dingin kan Pathien chun kan mithai a hung sukvar a, kan sal intângnaa hin sukharna tlâwmte bêk a mi pêk theina dingin inlangtirin a um a.

NEHEMIA 13:18

In pi le puhai khawm khan hieng ang hi an thaw a ni naw am a nih? Chun, ei Pathien chun hieng thil ṭhanawhai po po hi ei chunga le hi khaw chunga hin a hung intlungtir tah a ni naw am a nih? Chuong sa sa khawmin châwlni sukpawrchein Israel mihai chungah lunginsenna in lân tlungsatir rawp el hi,” ka ti a.

FESUOKNA 23:32

“An pathienhai leh amanih, anni leh amani khawm thuthlung hrim i siem ding a ni nawh.

FESUOKNA 32:10

chuleiin, tuhin mi mâksan rawh, an chunga ka lunginsenna chu a hung lum a, anni ka sukbohmang theina dingin; nang ruok chu hnam ropuitakah la siem ka ti che,” a ti a.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

JEREMIA 44:9

In thlatuhai khawhlona dâm, Juda ram lalhai khawhlona dâm, an nuhmeihai khawhlona dâm le nangni khawhlona dâm ngei khawm, in nuhmeihai khawhlonahai Jerusalem kawtthlêrhaia le, Juda rama an thawhai kha in hriet zing naw am a nih?

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

NAMBAR 16:21

“Hieng mipuihai laia inthawk hin insiekieng ro; ka hung sukbohmang thut theina dingin,” tiin.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

JOHAN 5:14

A nakie chun ama chu Isûn Pathien biekinah a hmu a, a kuomah, “Ngai rawh, i dam ta hi, thil suksuol nâwk ta naw rawh, chuongnaw chun, thil ṭha naw nâwk zuol i chungah hung um rawi a tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:1

Ieng am hril tâng ei ta? Lunginsietna chu a pung nâwk zuolna dingin suolin ei um zing ding am a nih?

DÂN PAHNINA 9:14

anni sukbohmang ding le vânkhuphnuoia inthawka an hming thaihmang dingin ka law law hang lâwng ka ta; chun, nangmaa inthawkin anni nêka hnam thilthawthei le ropui lem siem ka tih’, tiin a mi biek bawk a.

DÂN PAHNINA 9:8

Horeba khawm khan Lalpa lung in suksen a, sukbohmang hiel el ding cheuin Lalpa lung a sen a.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?