EZRA 9:12 - Pathien Lekhabu Inthieng (BSI)

¹² Chuleiin, tuhin, in naupasalhai chu an naunuhmeihai inneitir naw unla, in naunuhmeihai chu an naupasalhai khawm inneitir bawk naw ro; kumkhuoa dingin an hausakna amanih, anni le inremna amanih zawng bawk naw ro, chu ram thil ṭha chu in fâk a, in hung hrât a, kumkhuoa dinga in thlahai ta dinga rochan dinga in mâksanpêk theina dingin,’ ti kha.

EZRA 9:12 ပူးပေါင်းရင်းမြစ်များ

1 CHANCHIN SUINA 28:8

“Chuleiin, tuhin, Lalpa mipui inkhâwm Israelhai mithmua le ei Pathien hrietna hin, hi ram ṭhatak hi in nei thei a, kumkhuoa dinga in thlahai kuoma rochan ni dinga in mâksanpêk theina dingin Lalpa in Pathien thupêkhai po po chu zawng suok unla, zâwm ro.

2 CHANCHIN SUINA 19:2

Chun, Hanani naupa zâwlnei Jehu chu ama tuok dingin a lo va fe suok a, lal Jehosaphat kuoma chun, “Mi rilo chu ṭhangpuiin, Lalpa theidatu chu i hmangai ding a ni maw? Hi thil lei hin Lalpa lungsenna chu i chungah a um a nih.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

FESUOKNA 23:32

“An pathienhai leh amanih, anni leh amani khawm thuthlung hrim i siem ding a ni nawh.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

THUVARHAI 20:7

Mi indik a lungril ṭhaa fe mi chu, Ama hnunga a thlahai chu an hamṭha.

ISAI 1:19

Tiâwitak le thuâwitaka in um chun, in rama thil ṭhahai hi fâng in ta;

DÂN PAHNINA 23:6

In dam sûng po chu anni leh inremna le an tluongtlungna iengtika khawm in ngaituopui ding a ni nawh.

DÂN PAHNINA 23:7

“Edom mihai chu in thîm ding a ni nawh, in unauhai an ni si a; Aigupta mihai chu in thîm ding a ni nawh, an rama chun in va mikhuol ta leiin.

DÂN PAHNINA 7:3

Anni leh in innei pawl ding a ni nawh; in naunuhmeihai chu an naupasalhai in inneitir ding a ni naw a, an naunuhmeihai khawm in naupasalhai ta dingin in nei ding a ni bawk nawh.