EZRA 9:11 - Pathien Lekhabu Inthieng (BSI)

¹¹ khâng i siehlaw zâwlneihai hmanga i lo pêk tah, ‘Chu ram hluo dinga in fena ding chu ram thiengnaw, a rama mihai inthieng nawnahaia sukthieng naw, an inthiengnawna kil khata inthawka kil khingtieng chena sip, chu an inthieng nawnaa inthieng naw chu a nih.

EZRA 9:11 ပူးပေါင်းရင်းမြစ်များ

2 LALHAI 21:16

Lalpa mithmua thil ṭha nawtak thawa Judahai thil ân suksuoltir a suolna tiem lovin, Manasse chun pawi tâwklo thisen nasatakin ân suo bawk a, Jerusalem dung le khang chu a sip a.

2 CHANCHIN SUINA 33:2

Ama chun Lalpain Israel mihai hmaa a hnawt suokhai, khawhri be mihai tirdakumna ang chun Lalpa mithmuah thil ṭha naw chu a thaw a.

EZRA 6:21

Chun, Israel mipuihai sala inthawka hung suok nâwk a, chu rama ringlo mi inthieng nawnaa inthawka Israel Pathien Lalpa chu zawng dinga insie hranhai chun an fâk a,

EZRA 9:1

Hieng thilhai hi thaw a ni zo chun, mi ṭhahai chu ka kuomah an hung a, “Israel mipuihai le thiempuhai le Levi mihai hi hieng a rama um Kanaan mihai, Hit mihai, Periz mihai, Jebus mihai, Ammon mihai, Moab mihai, Aigupta mihai le Amor mihaia inthawk hin insiekieng lovin, an tirdakumnahai chu an thaw ve zing el a nih.

EZRA 9:10

Chuongchun, tuhin, Aw kan Pathien, hi thua hin iengam hril tâng kan ta? I thupêkhai chu kan lo nghatsan ta si a:

JEREMIA 26:5

inhmataka thoa anni hung tira, ka siehlaw zâwlneihai in kuoma ka hung tirhai thuhai in ngai dinghai chu, in ngai ta naw a;

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

DÂN PAHNINA 18:12

Hieng thil thaw mi taphawthai chu Lalpa ngaiin mi tirdakum an ni si a; hieng thil tirdakumhai lei hin a nih, Lalpa in Pathien chun anni a hnawtsuokpêk cheu chu.