EZRA 8:23 - Pathien Lekhabu Inthieng (BSI)

²³ Chuongchun, bu chu kan nghei a, hi hi ding hin kan Pathien chu kan ngên a: chuongchun, keini ngênthlûkin ama chu a um ta a.

EZRA 8:23 ပူးပေါင်းရင်းမြစ်များ

INṬANNA 25:21

Chun, a nuhmei chu a ching leiin, Isak chun Lalpa kuomah a ngênpêk a, Lalpain a hnina chu a lo ngaipêk a; chuongchun, a nuhmei Rebeka chu ân rai ta a.

2 LALHAI 13:4

Chun, Jehoahaz chun Lalpa kuomah a ngên a ngên a; chun, Lalpain a thu chu a lo ngaipêk a, Israelhai nêksâwra an um a, Suria lalin anni a nêksâwrzie chu a hmu zing si a.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

EZRA 8:31

Chun, Jerusalema fe ding chun Ahava vadunga inthawkin thla khatnaa ni sâwmpahni ni chun kan suok ta a; chuongchun, kan Pathien kut chu kan chunga chun a um a, ama chun hmêlmahai le lampuia mîn chântu kuta inthawk chun a mi sansuok a.

NEHEMIA 9:1

Chuongchun, chu thla ni sâwmhni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

THUVARHAI 3:5

I lungril po poin Lalpa chu ring la, Nanga hrietthiemna ringawta chun innghat naw rawh.

ISAI 19:22

Chun, Lalpa chun Aigupta mihai chu vuong a ta, sukdam bawk a tih: chuongchun, Lalpa kuomah kîr nâwk an ta, ama chu anni ngên thlûkin um a ta, anni chu sukdam a tih.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

LUKA 2:37

Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

THILTHAWHAI 10:30

Chun, Korneli chun, “Ni li a ni tah, tu ang hunah hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

DÂN PAHNINA 4:29

Nisienla khawm, chutaka khawm chun Lalpa in Pathien chu in zawng a, in lungril po po le in lungvar po poa in zawng chun hmu nâwk in tih.