EZRA 8:22 - Pathien Lekhabu Inthieng (BSI)

²² Lal kuoma chun, “Ama zawngtuhai chunga chun Pathien kut chu ṭhatna dingin a um a, ama nghatsantuhai po po chunga ruok chun, thilthawtheina le lunginsenna a um a nih,” kan lo ti ta si leiin, lampuia hmêlmahaia inthawka mi ṭhangpui dinga sakawr chung chuong mi le sipai pâwl lal kuoma hni kân zak si a.

EZRA 8:22 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.

EZRA 7:28

Ama chun lal hmaa le a rorêltuhai hmaa le lal mi ṭhahai po po hmaa chun ka chungah zângaina a hung suklien ta a. Chuongchun, ka chunga ka Pathien Lalpa kut ang peiin sukhrâtin ka um ta a, Israelhai laia inthawk chun ka ruola hang fe ve dingin, mi lusa deuhai chu ka kei khâwm ta a.

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

EZRA 7:9

Thla khatna, ni khat nia chun Babulona inthawk chun a fe suok ṭan a, a chunga Pathien kut ṭha innghat ang peiin thla ngana, ni khat ni chun Jerusalem chu a tlung ta a.

EZRA 8:31

Chun, Jerusalema fe ding chun Ahava vadunga inthawkin thla khatnaa ni sâwmpahni ni chun kan suok ta a; chuongchun, kan Pathien kut chu kan chunga chun a um a, ama chun hmêlmahai le lampuia mîn chântu kuta inthawk chun a mi sansuok a.

NEHEMIA 2:9

Chuongchun, vadung râla rorêltuhai kuom chu ka va tlung a, lal lekhahai chu ka pêk a. Chun,lal chun ka kuoma chun sipai hotuhai le sipai sakawr chung chuong mihai ân fetir ve a nih.

INPÂKNA HLABU 20:8

Anni chu an kûn a, an tlu ta a, Keini ruok chu kan tho a, kan ngîr tlûn ta lem a,

INPÂKNA HLABU 34:22

Lalpa chun a siehlawhai hringna chu ân tlan hlak a, Amaa ringna innghattuhai chu pakhat khawm thiemnaw chang um naw ni hai.

INPÂKNA HLABU 90:11

Tuin am i lunginsenna thilthawtheizie hrea, Nangma ṭi dingzie anga i lunginsenna hrie le?

ṬAP HLA 3:25

Lungrila ama zawngtuhai le, ama nghâktuhai kuoma chun Lalpa chu a ṭha a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

1 KORINTH 9:15

Nisienlakhawm, kei chun chuong chu pakhat khawm ka hmang naw a nih; ka chungah chuong anga in thawna dinga ka ziek a ni bawk nawh; tûkhawmin ka isuong hi iengkhawm ni lova an siem nêk chun thi el lang ka ta dingin a ṭha lem si a.

2 KORINTH 7:14

A kuomah ieng kawnga khawm nangni suong lang cheu khawm, ka muolpho si naw a; muolpho nêk hmanin iengkim in kuoma thu taktaka kan hril hlak ang kha, Tita hmaa kan suong chu thu taktak a hung ni ta ngei a.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

JOSUA 22:16

an kuomah, “Lalpa mipui pungkhâwm po poin, ‘Hi thil suoltak hi iengtiziea Israelhai Pathien chungah thaw am in ni a? Lalpa chu nghatsanin maichâm dâm siemin iengtiziea Lalpa chunga hel am in ni a?

JOSUA 23:16

Lalpa in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun Lalpa lunginsenna chu in chungah inling a ta, ram ṭhatak a pêk cheua inthawk hi bohmang nghâl el in tih,” a ta.

1 PETER 3:12

Lalpa mit chu mi felhai chungah a fu a, A na khawm an ṭawngṭaina tieng a sit hlak si a, Amiruokchu, Lalpa hmêl chu, Thil suksuoltuhai chungah a um hlak,” ti a ni si a.