EZRA 8:21 - Pathien Lekhabu Inthieng (BSI)

²¹ Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insukhnuoi theina dingin, Ahava vadunga chun bunghei ka rawt ta a.

EZRA 8:21 ပူးပေါင်းရင်းမြစ်များ

2 CHANCHIN SUINA 20:3

Chuongchun, Jehosaphat chu a ṭi ta a; Lalpa chu a zawng a, Juda ram po poa bunghei a rawt ta a.

2 CHANCHIN SUINA 20:4

Chun, Juda mihai chu Lalpa ṭhangpuina zawng dingin an inkhâwm a; Juda ram khawpui po poa inthawkin Lalpa chu zawng dingin an hung tâwl a.

EZRA 8:15

Anni chu Ahavaa luong lût vadunga chun ka kei khâwm tâwl a; chutaka chun ni thum lai chu kan riek a; chun, thiempuhai le mipuihai chu ka thlîr vêl chun Levi thlahai hrim ka hmu ta naw a.

EZRA 8:31

Chun, Jerusalema fe ding chun Ahava vadunga inthawkin thla khatnaa ni sâwmpahni ni chun kan suok ta a; chuongchun, kan Pathien kut chu kan chunga chun a um a, ama chun hmêlmahai le lampuia mîn chântu kuta inthawk chun a mi sansuok a.

NEHEMIA 9:1

Chuongchun, chu thla ni sâwmhni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

INPÂKNA HLABU 137:1

Babulon vadung pangahai, Chutaka chun kan ṭhung a; anih, kan ṭap hlak, Zion kan ngaituoin.

INPÂKNA HLABU 5:8

Aw Lalpa, ka hmêlmahai leiin, i felnain mi ṭhuoi la, I lampui chu ka hmaa hin suktluong rawh.

INPÂKNA HLABU 5:9

An baua chun ringumna hrim hrim a um naw a; An sûngril chu rîtlona ruok el a nih: An hnuk chu thlân inhawng a na; An leiin an inpâk tehlêm hlak.

INPÂKNA HLABU 8:2

I hmêlma le phubalatu sukdeina dingin, Nangma dotuhai lei chun, Nautehai le nêne ne laihai bau suok chun hrâtna i sukdet a.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsi a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

ISAI 58:5

Chuong ang chu bu ngheina ka dit zâwng chûm a nih? Thielkuong anga a lu kûn ding le, a hnuoia saiip puon phaa vut phul ding am a nih? Chu chu bu ngheina le Lalpa ta dinga ni lâwmtlâk i ti ding am a nih?

JEREMIA 10:23

Aw Lalpa, mihriem lampui chu amaa chun a um nawh ti ka hriet a; a kepênhai sukdik dingin mihriema chun infetirtu chu a um nawh.

JEREMIA 42:3

Lalpa i Pathien chun thil kan thaw ding le, lampui kan hraw ding chu a mîn hriettir theina dingin,” tiin.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

JOEL 1:14

Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

LEVI DÂN 16:29

“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.

LEVI DÂN 16:31

In ta dingin châwl ṭawk ṭawkna ni a na, in insukrinum ding a nih; hi hi in kumkhaw dân ding a nih.

LEVI DÂN 23:29

Tukhawm chu nia insukrinum lo chu a chipuihaia inthawkin tuithlârin um a tih.

JONA 3:5

Ninevi mihai chun Pathien an ring ta a; bunghei ding tiin an puong a, anni laia a lien taka inthawka a chîn tak chenin saiip puon an sil ta a.

JONA 3:7

Laltak le a mi lienhai thupêkin laltak chun Ninevi khaw sûnga chun thu a puongin ân suo ta a, “Mihriem amanih, ran amanih, bâwng ruol amanih, berâm ruol amani khawm chun iengkhawm intem naw raw se; fain tui khawm dâwn naw raw se;

NAMBAR 14:3

Ieng dinga kâwlhnâma thi el dinga Pathienin hi rama hi mi ṭhuoi am a ni aw? Ei nuhmei ei nau le tehai hlak chu man el ding an ni âwm si a. Aigupta rama kîr nâwk el hi eini ta dingin a ṭha lem a ni naw am a nih?” an ta.

NAMBAR 14:31

Amiruokchu, man el ding nîng an ta, in iti in nau le tehai ruok hi chu ṭhuoi lût ka tih, in dit naw ram chu hluong an tih.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

RORELTUHAI 20:26

Chuongchun, Israel thlahai po po le mipuihai po po chu an hang fe a, Bethela chun an hang fe a; an ṭap a. Lalpa hmaah an ṭhung a; chu ni chun zântieng chenin bu an nghei a; Lalpa kuomah pumrawhmang thilinhlân le inremna thilinhlânhai an inhlân a.

1 SAMUEL 7:6

Chuongchun, Mizpaa chun an fe khâwm ta a; chun, tui an chawi a, Lalpa hmaa chun an bunthlâk a, chu ni chun bu an nghei a, chutaka chun, “Lalpa chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêlpêk a.