EZRA 8:15 - Pathien Lekhabu Inthieng (BSI)

¹⁵ Anni chu Ahavaa luong lût vadunga chun ka kei khâwm tâwl a; chutaka chun ni thum lai chu kan riek a; chun, thiempuhai le mipuihai chu ka thlîr vêl chun Levi thlahai hrim ka hmu ta naw a.

EZRA 8:15 ပူးပေါင်းရင်းမြစ်များ

EZRA 7:24

Chun, thiempuhai, Levi mihai, hlasaktuhai, kawtkhâr vêngtuhai, temple siehlawhai amanih, Pathien in rawngbâwltuhai hrim hrim chungthua chun, anni chu leiman amanih, ram man amanih, sie amani khawm inchawitir chu dân ni naw nih tiin thu kan pêk bawk che a nih,’

EZRA 7:28

Ama chun lal hmaa le a rorêltuhai hmaa le lal mi ṭhahai po po hmaa chun ka chungah zângaina a hung suklien ta a. Chuongchun, ka chunga ka Pathien Lalpa kut ang peiin sukhrâtin ka um ta a, Israelhai laia inthawk chun ka ruola hang fe ve dingin, mi lusa deuhai chu ka kei khâwm ta a.

EZRA 7:7

Chuongchun, lal Artazerzia inlal kum sarinaa chun Israel thlahai ṭhenkhat le thiempuhai le Levi mihai le hlasaktuhai le, kawtkhâr vêngtuhai le, temple siehlawhai chu Jerusalema chun an hang fe a.

EZRA 8:14

Bigvai naupahaia chun, Uthai le Zakkur; anni leh pasal sâwmsari.

EZRA 8:16

Chuongchun, Eliezer, Ariel, Semaia, Elnathan, Jarib, Elnathan, Nathan, Zekaria, Mesullam hai mi lutakhai chu kân cha a, Joiarib le Elnathan inchûktirtuhai chu kân cha sa bawk a.

EZRA 8:2

Phinehas naupahaia chun Gersom; Ithamar naupahaia chun Daniel; David naupahaia chun, Hattus;

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insukhnuoi theina dingin, Ahava vadunga chun bunghei ka rawt ta a.

EZRA 8:31

Chun, Jerusalema fe ding chun Ahava vadunga inthawkin thla khatnaa ni sâwmpahni ni chun kan suok ta a; chuongchun, kan Pathien kut chu kan chunga chun a um a, ama chun hmêlmahai le lampuia mîn chântu kuta inthawk chun a mi sansuok a.

INPÂKNA HLABU 137:1

Babulon vadung pangahai, Chutaka chun kan ṭhung a; anih, kan ṭap hlak, Zion kan ngaituoin.

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

EZEKIEL 3:15

Chun, sal intânghai, Kebar vadung panga Tel-abiba umhai, an umna hmun ngeia chun ka va feh a; chun, an kuomah chutaka chun maktiin ni sari sûng ka ṭhung ta a.

THILTHAWHAI 16:13

Chun, Châwlniin kul kawtkhâr puo tienga vadung panga, ṭawngṭaina hmun ni dinga kan ringa chun kan fe a; chun, kan ṭhunga nuhmei hung khâwmhai kuoma chun thu kan hril a.