EZRA 7:9 - Pathien Lekhabu Inthieng (BSI)

⁹ Thla khatna, ni khat nia chun Babulona inthawk chun a fe suok ṭan a, a chunga Pathien kut ṭha innghat ang peiin thla ngana, ni khat ni chun Jerusalem chu a tlung ta a.

EZRA 7:9 ပူးပေါင်းရင်းမြစ်များ

EZRA 7:28

Ama chun lal hmaa le a rorêltuhai hmaa le lal mi ṭhahai po po hmaa chun ka chungah zângaina a hung suklien ta a. Chuongchun, ka chunga ka Pathien Lalpa kut ang peiin sukhrâtin ka um ta a, Israelhai laia inthawk chun ka ruola hang fe ve dingin, mi lusa deuhai chu ka kei khâwm ta a.

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

EZRA 7:8

Ama chu lal inlal a kum sarinaa, a thla nganaa chun a nih Jerusalema a hung chu.

EZRA 8:18

Chun, ka chunga kan Pathien kut ṭhatzie ang peiin anni chun mi lungril indiktak Israel naupa Levi naupa Mahli naupahai laia mi, Serebia, a unauhai le a naupasalhai leh sâwmpariet an mi hung ṭhuoipêk a;

EZRA 8:22

Lal kuoma chun, “Ama zawngtuhai chunga chun Pathien kut chu ṭhatna dingin a um a, ama nghatsantuhai po po chunga ruok chun, thilthawtheina le lunginsenna a um a nih,” kan lo ti ta si leiin, lampuia hmêlmahaia inthawka mi ṭhangpui dinga sakawr chung chuong mi le sipai pâwl lal kuoma hni kân zak si a.

EZRA 8:31

Chun, Jerusalema fe ding chun Ahava vadunga inthawkin thla khatnaa ni sâwmpahni ni chun kan suok ta a; chuongchun, kan Pathien kut chu kan chunga chun a um a, ama chun hmêlmahai le lampuia mîn chântu kuta inthawk chun a mi sansuok a.

EZRA 8:32

Jerusalem chu kan hung tlung a, chutaka chun ni thum lai chu kan hang um phawt a.

NEHEMIA 2:18

Chun, ka Pathienin a mi ditsak thuhai dâm chu ka hril a, ka kuoma lal thuhrilhai le chun. Anni chun, “Tho ei ta, inngîr takluong ei tiu khai,” an ti a. Chuongchun, chu sin ṭha thaw ding chun an kut an sukhrât a.

NEHEMIA 2:8

chun, lal ramhâk vêngtu Asaph inhmutir dingin invêngna kulbîng kawtkhâr kal ding le, khawpui kul ding dâmin, ka va hluo ding ina hmang ding dâmin thing a mi pêk theina dingin lekha mi pe bawk rawh,” ka ti a. Chun, ka Pathien mi ditsakna ang peiin lal chun a mi pêk ta a.

INPÂKNA HLABU 80:18

Chuongchun, kîr san naw ning ung che a, Mi sukhar la; chuongchun, i hming lam kan tih.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.