EZRA 7:5 - Pathien Lekhabu Inthieng (BSI)

⁵ Abisua naupa, Phinehas naupa, Eleazar naupa, Aron thiempu laltak naupa:

EZRA 7:5 ပူးပေါင်းရင်းမြစ်များ

1 CHANCHIN SUINA 6:4

Eleazar chun Phinehas a nei a, Phinehas chun Abisua a nei a;

2 CHANCHIN SUINA 19:11

Chun, ngai ta u, thiempu lal tak Amaria chu Lalpa thu chungchâng po poa chun nangni hotu a na; Juda sûngkaw chunga rorêltu Ismael naupa Zebadia chu lal thu chungchânga po po chun a ni bawk a; Levi mihai khawm chu in hmaa chun hotuhai ni bawk an tih. Huoitakin thaw unla, mi ṭha kuoma chun Lalpa chu um ngei a tih,” tiin.

2 CHANCHIN SUINA 26:20

Chun, thiempu laltak Azaria le thiempu danghai po po chun ama chu an en zing a, chun, ngai ta, a bâwka chun a hung inphâr ta a, chutaka inthawk chun inrangtakin an hnawtsuok ta a; anih, Lalpa chun ama chu a hrem tâk lei chun ama ngei khawm chun fe suok chu ân hmaw ta a.

EZRA 7:4

Zerahia naupa, Uzzi naupa, Bukki naupa;

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

FESUOKNA 6:25

Aron naupa Eleazar chun Putiel naunuhmei pakhat chu nuhmeiin a nei a, ama chun Phinehas a neipêk a. An sûngkuohai ang peiin, hieng hi Levi mihai pahnam tin luhai chu an nih.

LEVI DÂN 10:12

Mosie chun Aron le a naupasal la dam hai, Eleazar le Ithamar kuoma chun, “Lalpa kuoma mei hmanga thilinhlâna mi, fâkmi thilinhlân lâk mahlahai chu la unla, maichâm bulah chawl ṭhang lovin fa ro, thil inthieng a ni si a.

LEVI DÂN 10:16

Mosie chun suol inthâwina kêl chu nguntakin a zawng a; chun, ngai ta, an lo râw zo dêr tah a na; chuongchun, Aron naupasal la dam Eleazar le Ithamar chunga chun a lunginsen a,

LEVI DÂN 10:6

Mosie chun Aron kuoma le a naupasalhai Eleazar le Ithamar kuoma chun, “A sûnnain in sam inthla naw unla, in puonhai keithlêr bawk naw ro, chuong naw chun thi rawi in ta, mi po po chungah lunginsen rawi a tih; in unauhai Israel sûngkuo pumpuiin Lalpa isêm chawk mei chu sûn lem raw se.

NAMBAR 27:2

Intuokna puon in kawtkhârah Mosie le thiempu Eleazar le mi lienhai le pungkhâwm po pohai hmaa chun an va ngîr a,

NAMBAR 3:32

Chun, thiempu Aron naupa Eleazar chu Levi mihai ṭhuoituhai ṭhuoitu nîng a ta, hmun inthieng enkawltuhai chu inrawi a tih.

NAMBAR 31:31

Chuongchun, Lalpain Mosie thu a pêk ang chun Mosie le thiempu Eleazar chun an thaw a.

NAMBAR 31:54

Chun, Mosie le thiempu Eleazar chun sâng chunga hotu le za chunga hotuhai rângkachak chu an lâk a, Israel thlahai hriet zingna dingin intuokna puon inah Lalpa hmaah an hung lâk a.

NAMBAR 31:6

Chuongchun, Mosie chun chi tina inthawka sâng khat seng le thiempu Eleazar naupa Phinehas hmun inthienga bûrlebêlhai, thupêk vêlna dinga tawtawrâwthai chawiin indonaa chun ân fetir a.

HEBRAIHAI 5:4

Chun, tûkhawmin chu chawimawina chu mâni ta dingin an inbel ngai nawh. Aron anga Pathien iko an ni naw chun.

JOSUA 14:1

Hienghai hi a nih Israel nauhaiin Kanaan ram an lâk, thiempu Eleazar hai, Nun naupa Josua hai, Israel nauhai hnam sûngkaw puipahaiin an rochan dinga an lo semhai chu.

JOSUA 22:13

Chun, Israel thlahai chun Gilead rama Reuben mihai le, Gad mihai le Manasse hnam zâtvehai kuoma chun Thiempu Eleazar naupa Phinehas an tir a;

JOSUA 22:31

Chun, thiempu Eleazar naupa Phinehas chun Reuben mihai le Gad mihai le Manasse mihai kuoma chun, “Lalpa chungah thil in suksuol naw leiin, tuhin chu Lalpa chu eini lai a um ngei a nih ti ei hriet tah a nih; chuongchun, Israelhai chu Lalpa kuta inthawkin in sansuok tah a ni hi”, an ta.

JOSUA 24:33

Chun, Aron naupa Eleazar chu a thi a, a naupa Phinehas puol dinga an pêk Ephraim tlâng rama Gibea khuoa chun an phûm ta a.

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.