EZRA 7:25 - Pathien Lekhabu Inthieng (BSI)

²⁵ Chun, nang Ezra hin, i kawl Pathienin varna a pêk che ang peiin vadung râltienga mihai chunga rorêl dingin i Pathien dânhai hre mihai ang chu ram awptu le rorêltuhai dingin thlang i tih, a la hre nawhai chu inchuktir unla.

EZRA 7:25 ပူးပေါင်းရင်းမြစ်များ

INṬANNA 41:38

Chun, Pharao chun a siehlawhai kuomah, “Hieng ang, Pathien thlarau umna mi hi, ei hmu zo ding am a nih?” a ta.

INṬANNA 41:39

Pharao bawk chun Josef kuomah, “Pathienin chuong po po chu ân hriettir che leiin, nang anga bengvâr le var hrim hi an um nawh:

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

2 LALHAI 17:27

Chuongchun, Assuria lal chun, “Khataka sala in ṭhuoihai laia mi thiempu pakhat ṭhuoi unla, hung um ve sienla, chu ram Pathien biek dân chu inchûktir raw se,” tiin thu a pêk a.

1 CHANCHIN SUINA 22:12

Lalpa chun hrietthiem theina le thlierthiem theina pe sienla che; Israel chunga thuneina pe raw se che; chuongchun, Lalpa i Pathien dân chu i kawl zing theina dingin,

1 CHANCHIN SUINA 23:4

Hi laia mi sîng hni le za li hin Lalpa in sin chu an enkawl ding a na;

EZRA 10:4

Tho rawh, hi thu hi nanga chungah ân nghat a nih; chun, hi keini khawm nanga kuomah kan ṭhang ve bawk a, insukhuoi la, thaw el rawh,” tiin.

EZRA 6:6

Chuleiin, tuhin vadung râltieng rorêltu Tattenai le, Sethar-bozenai le in ruol Apharsakhai, hitaka inthawk hin insiekieng unla, hi Pathien in sinthaw hi tosan el ro:

EZRA 7:10

Ezra chun Lalpa dân inchûka zâwm tlat ding le, a dânhai le thupêkhai chu Israel rama chun inchûktir a lungrilin a tum tlat a.

EZRA 7:14

I kuta um i Pathien dân ang peia Jerusalem le Juda ram chungthu chu dâwpsuok dinga lal le a rorêltu pasarihai itir i ni leiin le;

NEHEMIA 9:3

Chun, mâni hmun sengah an ngîr a, chu ni hmun lia ṭhea hmun khat sûng chun Lalpa an Pathien dân bu an tiem a; chun, hmun lia ṭhea hmun khat dang sung chun thupha an chawi a, Lalpa an Pathien chu an biek a.

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

THUVARHAI 2:6

Lalpa chun varna a pêk si a; A baua inthawk chun hrietna le hrietthiemna hung suok a tih.

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MARKA 6:34

Chuongchun, ama chu a hung suok chun, mipui nasatak a hmu a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir ta a.

DÂN PAHNINA 16:18

“Lalpa in Pathienin a pêk cheu in kul kawtkhâr po poah in hnam ang peiin rorêltuhai le hotuhai insiem pei in ta; mipuihai ro feltakin an rêlpêk ding a nih.

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.