EZRA 6:8 - Pathien Lekhabu Inthieng (BSI)

⁸ Chu bâka chun hi Pathien in bâwl chungthua hin Juda upahai kuoma chun ieng am in thaw ding a na ti hi thupêk ka hung siem bawk a nih; lal thuomhnaw, vadung râltieng leiman ngei khawm, danga an um nawna dingin sênghai ngei khawm chu ṭhahnemngaitaka hieng mihai hi pêk ding an nih.

EZRA 6:8 ပူးပေါင်းရင်းမြစ်များ

EZRA 4:16

Hi khuo hi bâwl a hung na, a kulhai chu zo a hung ni ngei ngei chun vadung râla hin chu hieng ang hin chan hrim nei naw ti nih ti lal chu kan hung hrilfie a nih,” tiin.

EZRA 4:23

Chun, lal Artazerzia lekha chu Rehum le, lekhaziektu Simsai le, an ruolhai hmaa tiem a ni phing chun, inhmâwtakin Judahai kuomah Jerusalema chun an fe a, thilthawtheina le thawluinain anni chu an suktâwp ta a.

EZRA 5:5

Nisienlakhawm, an Pathien mit chu Juda upahai chunga chun a fu a, chu thu chu Daria kuom a tlung a, a chungthua dawnna lekha chu a hung tlung hmakhat chun anni chu an suktâwp ta naw a.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo ta a.

EZRA 6:4

lung lientak takhai tlar thum le thing thar tlar khat leh: chun, sênghai chu lal ina inthawka pêk nîng a ta:

EZRA 6:7

Juda rorêltu le Juda upahai chun hi Pathien in hi a hmun ngeia chun bâwl el raw hai se.

EZRA 6:9

Chun, an pawimaw ang taphawtin, vân Pathien ta dinga pumrawhmang thilinhlân dinga bâwngchal tuoi ni leh, berâmchal ni leh, berâmtehai ni leh, Jerusalema um thiempuhai thu ang peiin, bu dâm, chi dâm, uoin dâm, hriek dâm insam hlek lova ni tin tina pêk ni raw se;

EZRA 7:14

I kuta um i Pathien dân ang peia Jerusalem le Juda ram chungthu chu dâwpsuok dinga lal le a rorêltu pasarihai itir i ni leiin le;

NEHEMIA 11:23

An sûngkaw chungchâng thuah lal thupêk a um a, hlasaktuhai chu ni tina an tlâk tâwk ding ruotpêk ding thu a um bawk a.

NEHEMIA 2:8

chun, lal ramhâk vêngtu Asaph inhmutir dingin invêngna kulbîng kawtkhâr kal ding le, khawpui kul ding dâmin, ka va hluo ding ina hmang ding dâmin thing a mi pêk theina dingin lekha mi pe bawk rawh,” ka ti a. Chun, ka Pathien mi ditsakna ang peiin lal chun a mi pêk ta a.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

HAGGAI 2:8

Tangka chu ka ta a na, rângkachak khawm chu ka ta a nih, sipaihai Lalpa chun a tih.