EZRA 6:22 - Pathien Lekhabu Inthieng (BSI)

²² chawl ṭhanglo bei ruoiṭhe khawm chu hlimtakin ni sari sûng an hmang a: Lalpa chun anni chu a sukhlimin, Israel Pathien, Pathien in sin thawa chun an kuthai sukhrât dingin Assuria lal lungril chu anni chungah ân hertir ta nghâl si a.

EZRA 6:22 ပူးပေါင်းရင်းမြစ်များ

2 LALHAI 23:29

Ân lal lai chun Aigupta lal Pharao-Neko chu Assuria lal do dingin Euphrates vadungah a hang fe a; chun, lal Josia chun ama chu a hang thaw a; chun, Pharao-Neko chun ama chu a hmu phingleh Megiddo khuoah a that ta a.

2 CHANCHIN SUINA 23:18

Chun, Jehoiada chun Lalpa ina sinthawnahai chu thiempu Levi mihai kuta chun a ruot ta a; chuonghai chu Mosie dâna ziek anga Lalpa kuoma pumrawhmang thilinhlânhai, David thu lo pêk ta anga hlimtak le hla sak puma inhlân dinga Lalpa ina Davidin a lo semdar tahai chu an nih.

2 CHANCHIN SUINA 29:30

Chu nawa khawm lal Hezekia le hotuhai chun Levi mihai chu Zâwlnei Asaph le David hla phuok chun Lalpa inpâkna chu sak dingin thu an pêk bawk a. Chun, lâwmtakin inpâkna hla chu an sak a, an luhai an kûn a, chibai an bûk a.

2 CHANCHIN SUINA 30:21

Chun, Israel mipuihai Jerusalema umhai chun chawlṭhanglo bei ruoiṭhe chu ni sari sûng lâwmtakin an hmang ta a, chun, thiempuhai le Levi mihai chu ni tin tinin Lalpa kuoma thil sutrîktheihaia hlasakin Lalpa chu an inpâk a.

2 CHANCHIN SUINA 33:11

Chuleiin, Lalpain Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui ta a.

2 CHANCHIN SUINA 35:17

Chun, Israel mipui chutaka umhai chun chu nia chun fekân ruoiṭhe chu an hmang a, chawlṭhanglo bei ruoiṭhe chu ni sari an hmang bawk a.

EZRA 1:1

Persia lal Kura inlal kum khatna chun, Jeremia baua Lalpa thuhril chu a hung tlung theina dingin Lalpa chun Persia lal Kura lungril chu a chawktho ta a, chuongchun, a ram po poa chun thu inhriettirna a siem a, a zieka ziek khawmin a sie bawk a,

EZRA 6:1

Chun, lal Daria chun thupêk a siem a, Babulona ro siekhâwmna, lekhabu ina chun zawng a ni ta a.

EZRA 7:27

Jerusalema Lalpa in cheimawi dinga lal lungrila thil hienga sietu ei thlatuhai Pathien Lalpa chu inpâkin um raw se;

NEHEMIA 13:6

Nisienlakhawm, chuong thil po pohai um lai chun Jerusalem khuoah ka um naw a; Babulon lal Artazerzia kum sâwmthum pahni ân lal kumin lal kuoma chun ka fe a nih, ni ieng zât amani hnunga chun phalna ka hni nâwk a;

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

EZEKIEL 23:23

Babulon mihai, Kaldai mihai po po le, Pekod mihai, Soa mihai, Hoa mihai, anni le Assuria mihai po po leh; tlangvâl ditumtak takhai, ram awptuhai, rorêltuhai, an rêngin lal nauhai, mi hming inthanghai, an rêngin sakawr chunga chuong mihai chu.

MATTHAI 26:17

Chun, Chawlṭhanglo Bei Ruoiṭhe ni, ni hmasataka chun, inchûktirhai chu Isu kuomah an hung a, “Fekân ruoi bu fâkna dingin khâwlai am buotsai pêk inlang che i nuom a?” an ta.

JOHAN 19:11

Isûn, “Chungtienga inthawka pêk i ni naw chun, ka chunga hin thaw thei hrim hrim nei naw ti ni; chuleiin, i kuoma mi petu khan suol a phur zuol a nih,” a ta.