EZRA 6:20 - Pathien Lekhabu Inthieng (BSI)

²⁰ Thiempuhai le Levi mihai chu anni le anni an lo insukthieng ta leiin, an rêng chun thieng an ni ta a; chuongchun, fekân ruoiṭhena ding chu sal intâng suokhai le an unauhai le thiempuhai le anni ta ding ngeiin an that ta a.

EZRA 6:20 ပူးပေါင်းရင်းမြစ်များ

2 CHANCHIN SUINA 29:34

Nisienlakhawm, thiempuhai chu an tlâwm leiin pumrawhmang thilinhlânhai po po chu an inhlip hman naw a, chuleiin, an unau Levi mihai chun sin chu zo fel a ni vawng chenin, anni thiempuhai an inthien chen chu an ṭhangpui tâwl a. (Levi mihai chu thiempuhai nêk chun inthien dingin lungrila chun an khermei lem si a.)

2 CHANCHIN SUINA 35:11

Chun, fekân ruoiṭhena ding chu an that a, thiempuhai chun an kutin thisen chu an the a, Levi mihai chun an inhlip a.

2 CHANCHIN SUINA 35:14

Chun, chu hnunga chun anni ta ding le thiempuhai ta ding chun an buotsai ta a; Aron naupasalhai thiempuhai chun pumrawhmang thilinhlân le a thâuhai chu zân chenin an buoipui ta a; chuleiin, Levi mihai chun anni le Aron naupasal thiempuhai ta ding chun an buotsai el a nih.

2 CHANCHIN SUINA 35:15

Chun, David le Asaph le Heman le lal zâwlnei Jeduthun thupêk angin hlasaktuhai, Asaph naupasalhai chu an hmuna chun an um a; chun, kawtkhâr vêngtuhai chu dâi kawtkhâr tina chun an um bawk a; an sinthawhai chu an mâksan a ṭûl naw a, an unau Levi mihai chun an ta dingin an buotsaipêk leiin.

FESUOKNA 12:21

Chun Mosie chun Israel upahai po po chu a ko khâwm a, an kuomah, “Fe suok unla, in sûngkaw tamzie ang peiin berâmte la unla, fekân ruoi dingin that ro.

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.