EZRA 6:17 - Pathien Lekhabu Inthieng (BSI)

¹⁷ Chun, hi Pathien in inhlânnaa hin bâwngchal za khat, berâmchal za hni, berâmte za li an inhlân a; chun, suol thilinhlâna dingin Israel hnam lukipin kêlchal sâwmpahni an inhlân bawk a.

EZRA 6:17 ပူးပေါင်းရင်းမြစ်များ

1 LALHAI 18:31

Chun, “I hming chu Israel nîng a tih,” ti lo dawngtu Jakob nauhai hnam zât lung sâwm le pahni Elija chun a lâk a.

1 LALHAI 8:62

Chun, lal le Israelhai po po chun Lalpa hmaah inthâwina an inhlân hmunkhat a.

2 CHANCHIN SUINA 29:24

thiempuhai chun an that a, an thisen chun maichâm chunga chun suol thilinhlân chu an inhlân ta a, Israel mi po po ta dinga intlanna siempêk dingin pumrawhmang thilinhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta si a.

2 CHANCHIN SUINA 7:5

Chun, lal Solomon chun bâwngchal sîng hni le sâng hni le, berâm nuoi khat le sîng hniin inthâwina ân hlân a. Chuongchun, lal le mipuihai po po chun Pathien in chu an inhlân ta a.

EZRA 8:35

Chun, sal intâng mihai intângnaa inthawka hung suokhai chun Israel Pathien kuoma chun Israelhai po po puolah; bâwngchal sâwmpahni le, berâmchal sâwmkuo paruk, berâmte sâwmsari pasari le; kêlchal sâwmpahni suol thilinhlâna dingin; pumrawhmang thilinhlânah an inhlân ta a; hieng po po hi Lalpa kuoma pumrawhmang thilinhlân a nih.

LEVI DÂN 4:28

thil a suksuol chu inhriettir a ni chun a thilinhlânah kêl, a pui demkailo, a thil suksuol tah suol inthâwina dingin a hung kei ding a nih.

LEVI DÂN 4:3

a suksuoltu chu hriek nâla um thiempu a ni a, mipuihai chungah thiemnaw inchangna ân tlungtir chun, a thil suksuol tah suol inthâwina ding chun, Lalpa kuomah bâwng tuoi demkailo inhlân raw se.

LUKA 22:30

chuongchun, ka rama ka dawkâna in fâka in dâwn theina dingin; chuongchun, Israel hnam sâwmpahnihai ro rêlpêkin lalṭhungphaah la ṭhung in tih.

THUPUONGSUO 21:12

Kul nasatak insângtak a nei a, kawtkhâr sâwm le pahni a nei a, kawtkhâr bulahai chun vântirko sâwm le pahni an um a, chuong kawtkhâra chun hming ziek a um bawk a, chuong chu Israel thlahai hnam sâwm le pahnihai hming chu a nih;