EZRA 6:14 - Pathien Lekhabu Inthieng (BSI)

¹⁴ Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo ta a.

EZRA 6:14 ပူးပေါင်းရင်းမြစ်များ

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 4:24

Chuongchun, Jerusalema um, Pathien in sinthaw chu a lo tâwp ta a; Persia lal Daria rorêl kum hnina chen chun châwlsan a ni ta a.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, Lalpa ta dinga in chu keini khât ngeiin bâwl lem kan tih,” an ti a.

EZRA 5:1

Chun, zâwlneihai, Haggai le Iddo naupa Zekaria chun Juda ram le Jerusalema Juda umhai kuoma chun thu an hrillâwk a; Israel Pathien hmingin a nih anni chun thu an hrillâwk chu.

EZRA 5:13

Nisienlakhawm, Babulon lal Kura inlal kum khatnaa chun, lal Kura chun hi Pathien in hi bâwlna dingin thupêk chu a siem ta a nih.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

EZRA 6:3

“Lal Kura inlal kum khatnaa chun, lal Kura chun thupêk a siem a; ‘Jerusalema Pathien in chungthua hin, in chu bâwl ni sienla, inthâwinahai an inhlânna hmun chu; chun, chu lungphûmhai khawm chu dettaka phûm ni nghe nghe raw se; chun, ân sângzie chu tawng sâwmruk, a khangtieng chu tawng sâwmruk bawk nîng a ta;

EZRA 6:8

Chu bâka chun hi Pathien in bâwl chungthua hin Juda upahai kuoma chun ieng am in thaw ding a na ti hi thupêk ka hung siem bawk a nih; lal thuomhnaw, vadung râltieng leiman ngei khawm, danga an um nawna dingin sênghai ngei khawm chu ṭhahnemngaitaka hieng mihai hi pêk ding an nih.

EZRA 7:1

Hieng thilhai hnunga hin, Persia lal Artazerzia rorêl lai chu, Seraia naupa Ezra, Azaria naupa, Hilkia naupa,

EZRA 9:9

Sal intâng kan na, amiruokchu, kan sal intângnaa khawm chun kan Pathien chun a mi nghatsan ngai naw a, Jerusalem le Juda rama kulhai mi pe ding le, chutaka in siehai chu siem ṭha ding le kan Pathien in chu tungding dinga thathona mi pe dingin, Persia lalhai mithmua chun kan chungah lunginsietna a hung sukpung ta lem a.

NEHEMIA 6:15

Chuongchun, kul chu ni sâwmnga le ni hniah, Elul thla ni sâwmhni panga niin zo a ni ta a.

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:8

Tlâng rama chun hang fe unla, thing hung la unla, in chu bâwl ro; chuongchun, a sûnga chun inhawi tîng ka ta, chawimawiin um bawk ka tih,” Lalpa chun a tih.

ZEKARIA 1:1

Daria inlal kum hnina a thla rietnaah, Iddo naupa, Berekia naupa zâwlnei Zekaria kuomah Lalpa thu chu a hung tlung a:

ZEKARIA 1:16

Chuleiin, Lalpa chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai Lalpa chun a tih; chun, Jerusalem chunga hin inkhina hmawl keimar nîng a tih.

ZEKARIA 4:9

“Hi in lungphûm hi Zerubbabel kuthai chun a lo phûm ta a; a kuthai chun zo khawm zo ngei a tih; chun, nang chun sipaihai Lalpa chun a mi hung tir a nih ti hre tâng i tih.

ZEKARIA 8:9

Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.