EZRA 6:11 - Pathien Lekhabu Inthieng (BSI)

¹¹ Chun, hi thupêk khawm hi ka hung siem bawk a nih: tukhawm hi thu hi lo sukdanglam taphawt chu, a ina inthawka a tlungpûm chu kei dawk ni sienla, ama chu chutaka chun khai kânga khuopde ni raw se; hi lei hin a in chu êkpeinaa siem ni sienla:

EZRA 6:11 ပူးပေါင်းရင်းမြစ်များ

2 LALHAI 10:27

Chun, Baal lungphun chu an sukchim a, Baal in chu an suksiet a, inhnâwmna inah an hmang ta a; tu chen hin an la hmang zing a nih.

2 LALHAI 9:37

Jezebel ruong chu Jezreel khaw kul bulah huona êk ang el la nîng a tih; chuongchun, hi hi Jezebel a ni hi aw, an ti nawna dingin,’ ti thu a hril kha a ni hi,” a ta.

EZRA 7:26

Mi tukhawm i Pathien dân anga thaw lo le lal dân anga thaw lo chu a chungah inrangtaka rorêlthlûk ni sienla, thi dingin amanih, hnawtsuok dingin amanih, thuomhnawhai chân ding amanih, lungina khum ding amanih ni dingin,” tiin.

ESTHER 5:4

Esther chun, “Lal hin ṭha a ti zâwng a ni chun, a ta dinga thlaithlêng vawisûna ka buotsai hi, fa dingin lal le Haman chu hung raw hai se,” a ta.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

DANIEL 2:5

Chun, lal chun a dawn a, Kaldai mihai kuoma chun, “Chu thil chu keimaa inthawkin a fe hmang tlat ta a: mang le hrilfiena chu in mîn hriettir naw chun sât nawi vawng nîng in ta, in inhai chu êk pei khâwmna hmuna siem ni bawk a tih.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.