EZRA 5:16 - Pathien Lekhabu Inthieng (BSI)

¹⁶ Chun, chu Sesbazzar bawk chu a hung a, Jerusalema um Pathien in lungphûm a phûm ta a; chutaka inthawk tah tu chen hin bâwl a ni ta zing a, zo fel lo a la ni zing a nih,’ tiin.

EZRA 5:16 ပူးပေါင်းရင်းမြစ်များ

EZRA 3:10

Chun, in bâwltuhai chun Lalpa biekin lungphûm chu an phûm lai chun thiempuhai chu tawtawrâwt chawiin an thuoma inthuomin an ngîr a, chun, Israel lal David thupêk angin Lalpa chu inpâk dingin Asaph naupasal Levi mihai chu dârbenthekhai leh an ngîr bawk a.

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 5:14

Chun, rângkachak le tangkaraw bûr le bêlhai Nebukadnezzarin Jerusalem biekina inthawka a lâk a, Babulon biekina a hung lâkhai chu, chuonghai ngei chu lal Kura chun Babulon biekina inthawk chun a lâk suok a, mi pakhat a hming Sesbazzar, amain rorêltua a siem ngei kuoma chun chuong chu a pêk a nih;

EZRA 5:15

ama kuoma chun, Hieng bûr le bêlhai hi la la, fe la, Jerusalema um biekina chun sie rawh; chun, Pathien in chu a hmun ngaia ngei bâwl ni raw se, a ti a.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

EZRA 6:15

Chun, hi in hi lal Daria rorêl kum rukna, Adar thla ni thum ni chun zo a ni ta a.

HAGGAI 2:18

“Ka ngên cheu hi, vawisûna inthawka hi hnungtieng po po ngaituo ro; thla kuona, ni sâwmhni pali ni, Lalpa biekin lungphûm phûm ni china inthawk chu ngaituo ro.

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong Lalpa mithai ngei chu an hmu ding a ni si a; anni chu khawvêl po po kil tin kil tanga chun an tlân vêl ta a,” tiin.

ZEKARIA 4:9

“Hi in lungphûm hi Zerubbabel kuthai chun a lo phûm ta a; a kuthai chun zo khawm zo ngei a tih; chun, nang chun sipaihai Lalpa chun a mi hung tir a nih ti hre tâng i tih.

JOHAN 2:20

Chun, Judahai chun, “Hi in hi kum sâwmli paruk sûng bâwl a nih, nangin ni thum sûngin inngîr i ti maw?” an ta.