EZRA 4:4 - Pathien Lekhabu Inthieng (BSI)

⁴ Chuongchun, chu rama mihai chun Juda mihai kut chu an sukhrâtnaw ta a, in bâwl thua chun an sukbuoi a,

EZRA 4:4 ပူးပေါင်းရင်းမြစ်များ

2 SAMUEL 4:1

Saula naupa Isboseth chun Hebronah Abner chu a thi ti a lo hriet chun a kuthai a hung hrât ta naw a, chun, Israel mi po pohai chu an ṭi ta a.

EZRA 3:3

Chuongchun, maichâm chu ân ṭhutnaa chun an inṭhut ta a; chuong rama mihai lei chun an chunga chun ṭitna chu a um si a; chuongchun, pumrawhmang thilinhlânhai chu chutaka chun Lalpa kuomah, pumrawhmang thilinhlânhai ngei chu zîng le zânin an inhlân zie ta a.

EZRA 4:5

an thiltum chu khap dingin an chunga rorêltuhai, Persia lal Kura dam sûng le, Persia lal Daria rorêl chen khan an ruoi ta a.

NEHEMIA 4:11

Kan hmêlmahai hlak chun, “Anni lai ei hang fe a, ei hang that a, sin chu ei hang suktâwppêk hmakhat chun hre naw ni hai a, mi hmu bawk naw ni hai,” an lo ti bawk a.

NEHEMIA 4:2

Chuongchun, a unauhai le Samari sipaihai hmaa chun thu a hril a, “Hieng Juda mi hrâtlohai hin ieng am a ni leh an thaw? An inkul puitling vei ding am a ni ie? An inthâwi vei ding am a nih? Ni khat thil thuin an puitlin ding maw? Hmunhnawk um khâwm mei meia inthawk le lung kâng se ta sa an inngîr thartir ding maw?” a ti a.

NEHEMIA 6:9

“An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng naw a, sietna ding a zawng lem a nih”, an ta.

DANIEL 10:13

Nisienlakhawm, Persia ram lal chun ni sâwmhni pakhat sûng chu a mi lo dangkîr a; amiruokchu, ngai ta, Mikael hotu laia lutak pakhat chu kei mi ṭhangpui dingin a hung a; chuongchun, Persia ram lalhai le chun chutaka chun ka um zing ta a.

DANIEL 10:20

Chun, ama chun, “I kuomah iengdinga hung am ka na ti i hriet am? Tuhin Persia lal chu do dingin kîr nâwk ka ta; chun, ka fe suok pha chun, ngai ta, Grik ram lal chu hung a tih.