EZRA 4:20 - Pathien Lekhabu Inthieng (BSI)

²⁰ Vadung râl ram po po chunga rorêltu, Jerusalem vêla khan lal thilthawtheitak takhai an um a; an kuoma chun leiman dâm, ram man dâm, sie dâm pêk a ni hlak a.

EZRA 4:20 ပူးပေါင်းရင်းမြစ်များ

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwmmanhai an hung chawi hlak a, Solomon dam sûng po chun a rawng an bâwl hlak a.

1 LALHAI 4:24

Vadung râltieng ram po po, Tipsaa inthawka Gaza chenin; Vadung râla lalhai po po chunga chun ân lal a; a vêla mihai po po le chun râlmuongin an um hlak a.

1 LALHAI 5:1

Chun, Tura lal Hiram chun Solomon kuoma chun a siehlawhai a tir a, a pa aia lal dingin hriek an nâl ti a lo hriet si a; Hiram chu David ngainatu a ni rawp hlak hrim a.

1 LALHAI 5:4

Tu ruok hin chu Lalpa ka Pathien chun kil tinah muongna a mîn neitir ta a, hmêlmahai khawm an um ta naw bawk a.

1 CHANCHIN SUINA 18:13

Chun, Edoma chun sipai pâwl a sie a, chuongchun, Edom mihai po po chu David khuo le tui an hung ni ta a. Chun, Lalpa chun a fena taphawtah David chu hnena a pêk pei a.

1 CHANCHIN SUINA 18:3

Euphrates vadung chena a ram chu indin dinga a fe malamin, Zoba lal Hadarezer chu Mahath chenin David chun a hne bawk a.

1 CHANCHIN SUINA 18:6

Chun, David chun Damaskaa Suriaa chun sipai pâwl a sie a, chuongchun, Suria mihai chu David siehlawhai an hung ni ta a, chuongchun, sie dâm an hung chawi a. Chun, Lalpa chun a fena tieng tieng David chu hnena a pêk pei a.

1 CHANCHIN SUINA 19:19

Chun, Hadarezer siehlawhaiin Israelhai hmaa chun an chan a se nâwk zuol an tah ti an hriet chun David le chun inremna an siem a, ama rawng chu an bâwl ta a; Suria mihai khawm chun Ammon mihai chu an ṭhangpui ngai ta hrim hrim naw a.

2 CHANCHIN SUINA 17:11

Chun, Philistin mi ṭhenkhathai chu Jehosaphat kuoma chun thilpêkhai le, siechawi dingin tangkaruo an hung pêk a; chun, Arabia mihai khawma ran ruol, berâmchal sâng sari le za sari le, kêlchal sâng sari le za sari an hung kei a.

2 CHANCHIN SUINA 9:14

chu chu dâwrkaihai le sum dâwnghaiin an hung lâk lût tiemsa lovin a nih; chun, Arabia rama lalhai po po le ram sûnga rorêltuhai po po chun Solomon kuomah rângkachak le tangka an hung lâk lût a.

EZRA 4:13

Hi khuo hi hienga an bâwl a, a kulhai an zo chun, leiman dâm, sie amanih, ram man amanih pe naw ni hai a, a tâwpa chun lalhai chu sukse ngei an tih ti hi lal chun lo hre bawk raw se.

EZRA 4:16

Hi khuo hi bâwl a hung na, a kulhai chu zo a hung ni ngei ngei chun vadung râla hin chu hieng ang hin chan hrim nei naw ti nih ti lal chu kan hung hrilfie a nih,” tiin.

EZRA 4:19

Chun, thu ka pêk a, zawngna chu siem a ni ta bawk a, chuongchun, inhmain hi khuo hin lalhai chungah helna lo siem tain, buoina le helna chu chutaka chun a lo um ta a nih ti hmu suok a ni ta a.

EZRA 4:21

Tuhin, hieng mihai hi suktâwp dingin thupêk siem unla, hi khuo hi bâwl pei ni ta naw raw se; keima ngeiin thupêk ka siem hmakhat chun.

EZRA 7:24

Chun, thiempuhai, Levi mihai, hlasaktuhai, kawtkhâr vêngtuhai, temple siehlawhai amanih, Pathien in rawngbâwltuhai hrim hrim chungthua chun, anni chu leiman amanih, ram man amanih, sie amani khawm inchawitir chu dân ni naw nih tiin thu kan pêk bawk che a nih,’

INPÂKNA HLABU 72:8

Ama chun tuipui pakhata inthawka tuipui dang chenin ramawp nei a ta, Vadungpuia inthawka kâwlkawdawng chen khawmin.

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

EZEKIEL 19:11

A kâu ngartakhai chu rorêltu lalhmawla hmang an hung ni a, A buk samup laia khawm chun an dâwk lûr bik a; Kâu tamtakhai laiah ân sâng leiin an hmu bîk lûr bawk a.

MATTHAI 9:9

Chun, Isu chutaka inthawkin a fe pei a, sie chawina hmuna ṭhung mi pakhat, a hming Matthai, a hmu a; a kuomah, “Mi hung zui rawh,” a ta. Chuongchun, a tho a, a zui ta a.