EZRA 4:2 - Pathien Lekhabu Inthieng (BSI)

² Zerubbabel le pahnama upahai kuoma chun anni chu an hung a, an kuomah, “Nangni hi bâwlpui vêng kan ti cheu, in thaw ang bawkin in Pathien hi a ni sia kan zawng chu; chuongchun, Assuria lal Esar-haddon, hitienga keini mi hung ṭhuoitu huna inthawk ta kha ama kuoma chun kan inthâwi hlak tah a nih,” an ti a.

EZRA 4:2 ပူးပေါင်းရင်းမြစ်များ

INṬANNA 10:11

Chu rama inthawk chun a suok a, Assuriaah a lût a, Ninevi, Rehoboth-Ir, Kala le,

2 LALHAI 17:24

Chun, Assuria lalin Babulon khuoa mihai, Kutha khuoa mihai, Ava khuoa mihai, Hamath khuoa mihai, Sepharvaim khuoa mihai ân cha suok a; Samari ram khuoahai chun Israel mihai hmun ân hluotir a, chuongchun, Samari ram chu an hluo a, a khuoahai chun an um ta a.

2 LALHAI 17:41

Chuongchun, chuong hnamhai chun Lalpa chu ṭi chu an ṭi a, an milim siem fâwmhai rawng khawm an bâwl bawk a; chuong ang bawkin an thlahai le an thlahai thla chen khawmin tu chen hin an pi le puhai thaw dânin an la thaw zing a nih.

2 LALHAI 19:37

Chun, a pathien Nisrok ina chun ama a biek laiin hieng ang hi a hung na, Adrammelek le Sarezer hai chun ama chu kâwlhnâmin an sukhlum ta a; chuongchun, Ararat rama chun an tlân lût ta a. Chun, a naupa Esar-haddon chu ama aiawin ân lal ta a.

EZRA 1:5

Chun, Juda le Benjamin pahnam luhai le thiempuhai le, Levi mihai, Jerusalema um Lalpa in bâwl dinga hang fe dinga Pathienin an lungril a chawkthohai taphawt chu an tho ta a.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 3:12

Amiruokchu, thiempuhai, Levi mihai an pahnamhai laia mi tamtak, mi upahai chu in hmasa lo hmutuhai chu, an mithmu ngeia chu in lungphûm chu phûm a lo ni chun rawl inringtak elin an ṭap ta a, mi danghai ruok chu lâwmin an khêk a;

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

INPÂKNA HLABU 73:8

An innuisan a, suoltakin nêksâwrna thu an hril a; Chapotakin an ṭawng hlak.

ISAI 37:37

Chuongchun, Assuria lal Sennakerib chu a suok a, a fe a, a kîr nâwk ta pei a. Ninevi khuoa chun a um ta zing a.

ISAI 37:38

Chun, a pathien Nisrok ina chun pathien a biek laiin a naupasalhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût ta a. Chun, a naupa Esar-haddon chun ama aiawin ro a rêl ta a.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

2 TIMOTHE 3:8

Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.