EZRA 3:8 - Pathien Lekhabu Inthieng (BSI)

⁸ Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 3:8 ပူးပေါင်းရင်းမြစ်များ

1 CHANCHIN SUINA 23:4

Hi laia mi sîng hni le za li hin Lalpa in sin chu an enkawl ding a na;

1 CHANCHIN SUINA 3:17

Chun, Jekonia, suok intâng, naupasalhai chu: a naupa Sealtiel,

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 4:24

Chuongchun, Jerusalema um, Pathien in sinthaw chu a lo tâwp ta a; Persia lal Daria rorêl kum hnina chen chun châwlsan a ni ta a.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, Lalpa ta dinga in chu keini khât ngeiin bâwl lem kan tih,” an ti a.

EZRA 5:16

Chun, chu Sesbazzar bawk chu a hung a, Jerusalema um Pathien in lungphûm a phûm ta a; chutaka inthawk tah tu chen hin bâwl a ni ta zing a, zo fel lo a la ni zing a nih,’ tiin.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

ZEKARIA 4:9

“Hi in lungphûm hi Zerubbabel kuthai chun a lo phûm ta a; a kuthai chun zo khawm zo ngei a tih; chun, nang chun sipaihai Lalpa chun a mi hung tir a nih ti hre tâng i tih.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

NAMBAR 4:3

kum sâwmnga chenin intuokna puon ina rawngbâwlna sin thaw tlâk ding po po zât chu tiem vawng ro.