EZRA 3:3 - Pathien Lekhabu Inthieng (BSI)

³ Chuongchun, maichâm chu ân ṭhutnaa chun an inṭhut ta a; chuong rama mihai lei chun an chunga chun ṭitna chu a um si a; chuongchun, pumrawhmang thilinhlânhai chu chutaka chun Lalpa kuomah, pumrawhmang thilinhlânhai ngei chu zîng le zânin an inhlân zie ta a.

EZRA 3:3 ပူးပေါင်းရင်းမြစ်များ

1 CHANCHIN SUINA 16:40

Israelhai kuoma thu a pêk tah, Lalpa dâna in ziek ang po po ang taka zîngtieng le zântieng tina, pumrawhmanga mâichâma pumrawhmang thilinhlân chu Lalpa hmaa inhlân dingin;

2 CHANCHIN SUINA 4:1

Chunawa khawm dârsen maichâm a siem bawk a, a dungtieng tawng sâwmhni, a khangtieng tawng sâwmhni; ân sângtieng chu tawng sâwm.

EZRA 4:4

Chuongchun, chu rama mihai chun Juda mihai kut chu an sukhrâtnaw ta a, in bâwl thua chun an sukbuoi a,

EZRA 5:15

ama kuoma chun, Hieng bûr le bêlhai hi la la, fe la, Jerusalema um biekina chun sie rawh; chun, Pathien in chu a hmun ngaia ngei bâwl ni raw se, a ti a.

EZEKIEL 43:16

Maichâm thuk chu tawng sawmpahnia sei, tawng sâwmpahni maa lien nîng a tih, a sîr palia chun intiet seng nîng a tih.