EZRA 3:2 - Pathien Lekhabu Inthieng (BSI)

² Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 3:2 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

1 CHANCHIN SUINA 23:14

Nisienlakhawm, Pathien mi Mosie chu, a naupasalhai chu Levi hnam laia lam sa a na.

1 CHANCHIN SUINA 3:17

Chun, Jekonia, suok intâng, naupasalhai chu: a naupa Sealtiel,

1 CHANCHIN SUINA 3:19

Chun, Pedaia naupasalhai chu: Zerubbabel le Simei; chun, Zerubbabel naupasalhai chu: Mesullam le Hanania an na, an farnu chu Selomith a nih;

2 CHANCHIN SUINA 6:6

amiruokchu, ka hming umna dingin Jerusalem kha ka thlang a, chun, ka mi Israelhai chunga um dingin David chu ka lo thlang ta a,’ tiin.

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 10:20

Immer naupasalhai chu: Hanani le Zebadia.

EZRA 10:21

Harim naupasalhai chu: Maaseia, Elija, Semaia, Jahiel le Uzzia.

EZRA 10:22

Pas-hur naupasalhai chu: Elioenai, Maaseia, Ismael, Nethanel, Jozabad le Elasa.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

NEHEMIA 12:1

Sealtiel naupa Zerubbabel le Jesua kuoma fe ve thiempuhai le Levi mihai chu hieng hi an nih; Seraia, Jeremia, Ezra,

NEHEMIA 12:8

Chuong naw khawm Levi mihai chu: Jesua, Binnui, Kadmiel, Serebia, Juda, lâwmthu hrila hotu Mattania, ama le a unauhai leh.

INPÂKNA HLABU 78:68

Juda hnam chu a thlang ta lem a, A hmangai Zion tlâng chu.

FESUOKNA 27:1

“Shittim thing maichâm tawng ngaa sei, tawng ngaa lien i siem ding a na, chu maichâm chu kil li nei, tawng thuma insâng a ni ding a nih.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 1:14

Chuongchun, Lalpa chun Juda ram awptu, Sealtiel naupa Zerubbabel lungril le, Jehozadak naupa Josua, thiempu lal lungril le, mipui a la um sunhai lungril chu a chawkhar ta a. Chuongchun, an hung a, sipaihai Lalpa an Pathien ina chun sin an thaw ta a,

HAGGAI 2:21

“Zerubbabel, Juda chunga rorêltu kuoma chun hril la, ‘Hnuoi le vânhai chu sukhnîng ka ta:

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai Lalpa chun a tih; ‘nang hi inchikna namna angin siem ka ti che,’ Lalpa chun a tih; ‘nang hi ka lo thlang ta si che a,’ sipaihai Lalpa chun a tih ” tiin.

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 6:11

anih, tangkaruo le rângkachak lapêk la, lukhum siem la, Jehozadak naupa thiempu lal Josua lua chun bel rawh;

NAMBAR 28:2

“Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

LUKA 3:27

Ama chu Joanan nau a na, Ama chu Rhesa nau a na, Ama chu Zerubbabel nau a na, Ama chu Sealtiel nau a na, Ama chu Neri nau a na,

RORELTUHAI 6:24

Chuongchun, Gideon chun chutaka chun Lalpa ta dingin maichâm a siem a, Jehova-Salom ân bûk a; tu chen hin Abiezrit mihai khuo Ophraa chun a la um zing a nih.