EZRA 3:11 - Pathien Lekhabu Inthieng (BSI)

¹¹ Lalpa kuoma lâwmthu hrilin le inpâkin insawntuoin hla an sak a, “Ama chu a ṭha si a, Israelhai chunga a zângaina chu kumkhuoin a um zing si a,” tiin. Chun, Lalpa in lungphûm chu phûm a ni ta leiin, Lalpa an inpâk lei chun mipui chu khêkri nasatakin an khêk a.

EZRA 3:11 ပူးပေါင်းရင်းမြစ်များ

1 CHANCHIN SUINA 16:34

Aw Lalpa kuomah lâwmthu hril ro, ama chu a ṭha si a, A zângaina chu kumkhuoin a um zing si a.

1 CHANCHIN SUINA 16:41

chun, an kuoma chun Heman hai, Jeduthun hai, an hming lama thlanga umhai chu, a zângaina chu kumkhuoin a um zing leia Lalpa chu lâwmthu hril dingin an um a;

2 CHANCHIN SUINA 5:13

Lalpa inpâka, lâwmthu hrila, hla saktuhai le tawtawrâwt puhai chu pakhat ang el a, ri inremtaka hriet a ni hlak a; tawtawrâwthai le, dârbenthekhai le, rimawi thawna thuomhnawhai leh an râwlhai an insuo a, Lalpa chu inpâka, “Ama chu a ṭha si a; a zângaina chu kumkhuoin um zing a tih,” an ti pha chun, Lalpa in chu sûmin a hung sip hlak a,

2 CHANCHIN SUINA 7:3

Mei a hung tla a, in chunga chun Lalpa ropuina a um zing lai chu Israel mipui po po chun an en zing a; tuolzâwla chun an hmaihaia hnuoi sikin an kûn a, chibai an bûk a; “Ama chu a ṭha si a, a zângaina chu kumkhawtluonga um zing ding a nih,” tiin, Lalpa chu lâwmthu an hril a.

NEHEMIA 12:24

Chun, Levi chia a luhai: Hasabia, Serebia, Kadmiel naupa Jesua le an unau, Pathien mi David thupêk anga a pâwl pâwla inkhienga inpâk le lâwmthu hril dinghai leh.

NEHEMIA 12:40

Chuongchun, lâwm thu hriltu pâwl hnihai chu Pathien inah an ngîr a, kei le rorêltu zâtve hai leh;

INPÂKNA HLABU 100:5

Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 103:17

Lalpa zainêmna ruok chu a ṭituhai chunga chun chatuona inthawka chatuon chenin um a ta, A felna khawm an thlahai thlahai chenin;

INPÂKNA HLABU 106:1

Lalpa chu inpâk ro, Lalpa kuoma chun lâwmthu hril ro, ama chu a ṭha si a; A ngilneina chun kumkhuo a dai si a.

INPÂKNA HLABU 107:1

Aw Lalpa kuomah lâwmthu hril ro, ama chu a ṭha si a; A ngilneina khawm kumkhuoin a um ding a ni si a,

INPÂKNA HLABU 118:1

Aw, Lalpa kuoma lâwmthu hril ro, ama chu a ṭha si a, A ngilneina khawm kumkhawtluongin a um ding a ni si a;

INPÂKNA HLABU 131:1

Lalpa, ka lungril hi a chapo naw a ka mithai hi ân sâng bawk nawh; Thil ropuitakhaiah ka ṭhangsa ve ngai nawh, Ka ta dinga thilmak taluohaia khawm.

INPÂKNA HLABU 135:3

Lalpa chu inpâk ro, Lalpa chu a ṭha si a, A hming inpâkin hla sak ro, ân hawi si a.

INPÂKNA HLABU 47:1

Aw mi tinrênghai, in kut ben unla, Hlimna râwlin Pathien kuomah khêk ro.

INPÂKNA HLABU 47:5

Pathien chu khêkri leh a hang fe a, Lalpa chu tawtawrâwt ri leh a hang fe tah.

FESUOKNA 15:21

Miriam chun, “Ropuitaka a hne ta leiin Lalpa kuoma chun hla sak ro; Sakawr le a chunga chuong chu tuipuiah a pei lût a,” tiin a dawn a.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

HAGGAI 2:3

‘Nangni lai hin hi in hi a hmaa a ropui lai kha hmu a dam tu am in la um a? Anleh, tuhin ieng ang charin am in hmu a? In mithmua chun iengkhawm ni lo ang a ni naw am a nih?

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

LUKA 1:50

A hming khawm ân thieng a nih, A ṭituhai chu suon po po chenin a lunginsiet pei hlak.

JOSUA 6:10

Chun, Josua chun mipuihai chu, “Khêk dêr naw unla, in râwl khawm hriet ni naw raw se, khêk dinga thu ka pêk ni cheu a tlung hmakhat chu in bâua inthawkin thu hrim hrim suok bawk naw sien, chu pha ruok chun chu khêk ro,” tiin thu a pêk a.

JOSUA 6:16

A vawi sarinaa thiempuhaiin tawtawrâwt an hang mût chun Josua chun mipuihai kuoma chun, “Khêk ro khai, Lalpain khawpui hi a pêk ta cheu a nih.

JOSUA 6:5

Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.